Dalawampung minuto bago ang alas otso ng umaga ay nasa ospital na sila. Nakakalula ang laki ng hospital, parang isang hotel lang sa dami ng floor areas at pagiging moderno. Sa katunayan ay nasa ika-dalawampung palapag sila ng gusali. Kinatagpo nila ang pediatric cardiology team na siyang mag-oopera kay Penne. Lahat ng tanong nila tungkol sa surgery ay ang mga ito ang sumagot. He never saw Noah in action, pero ngayon Nakita niya kung gaano ito ka-businesslike at pormal. Kahit foreigners ang mga kausap, hindi ito kakikitaan ng intimidation.
Bago isasalang si Penne bukas sa operasyon, dumaan muna ito sa ilang tests para masiguradong handa nga ang katawan nito. Sumalang ito sa physical exam, chest x-ray, EKG at may iba pang labworks na isinagawa bilang parte ng pre-operative process.
Matapos
