Binibilang niya ang mga oras at araw. Kung pwede nga lang na hatakin pabilis, gusto na niyang makauwi ng Pilipinas. Ayaw niyang dito lulubo ang tiyan niya. Hanggang maaari ay wala muna siyang sasabihin kay Noah. Hindi naman ito maniniwala. Isa pa, may Cadence na ito. Ayaw niyang makagulo sa relasyon ng dalawa. Kasal na nga lang ang kulang sa mga ito.
"Ma'am Alina?"
Nakadalawang beses na pagtawag pa si Nurse Agnes bago niya ito napansin. Mula sa pagtutok sa labas ng bintana ay napalingon siya rito.
"Kukunan ko lang ng temperature si Penne."
"Sige, sige."
Inaaliw na lang niyang pinapanood ang ginagawa nito. Habang hinihintay na mag-register ang temperature ay naupo ito sa pang-isahang sofa. Ikinulong sa dalawang hita ang magkalapat na mga palad. Napapansin niyang nagnanakaw ito ng sulya
