“Ma’am, nakita ko pong may nakapulot sa laruan. ‘Yong mamang nagpagaas kanina ang nakakuha, Ma’am. ‘Yong may-ari ng magarang kotse na kausap ng bata kanina.”
Binalikan talaga nila ang gasolinahang hinintuan kanina nang hinanap na ni Penne ang laruan nito. Hindi lang iyon basta laruan. Bata pa lang ang anak niya ay kasa-kasama na nito ang teddy bear at halos ayaw ihiwalay sa pagtulog. Binili niya iyon noong unang beses na dinala niya ito sa doktor. Mula noon, naging security blanket na iyon ng anak. Sa bawat beses na dinadala ito sa ospital, lagi nitong bitbit si Little Teddy.
“Sorry po, Mama. Nawala po si Teddy.”
“Baby, sa sasakyan ka na lang sana.”
Nalusutan na naman si Nanay Lourdes. She looked so worried. Takot na mapagalitan at nanghihinayang ito sa laruan. Nginitian niya ito bago
