Just like that, sa isang pikit lang ng mga mata ay biglang nagbago ang lahat. Kung noong isang araw ay halos mabiyak ang utak niya sa kaiisip kung saan na naman kukuha ng pera, isang good Samaritan ang bigla na lang sumulpot sa harapan niya at nangakong tutulong. Nailipat si Penne sa isang pribadong ospital at sa isang executive suite pa ang silid ng anak.
“Dito muna kayo until things are okay.” Iyon ang bilin ni Miss Castelo sa kanya.
May twenty-four hour monitoring para sa anak niya. Si Dr. Malbas pa rin ang pangunahing pediatric cardiologist ng anak. Mabuti na lang at affiliated din ito sa bagong nilipatang facility. Kilala na niya ito at alam niyang may malasakit din ito sa kanila. Katunayan ay ito ang personal na nag-refer sa kaso ng anak kay Miss Castelo.
“Day, bakit ang bait n
