NAGISING si Hershelle sa marahang yugyog sa kanya.
“Alas-kuwatro na, Hazed. Mag-jet ski na tayo,” wika ni Edmark nang magmulat si Hershelle.
Nagmamadali namang bumangon si Hershelle saka muling nagbihis. Tulad kanina ay may nakapatong na namang life jacket sa suot nila ni Edmark. May suot din silang googles. Ngunit imbes na sombrero ay scarf ang suot nilang pareho sa kanilang ulo.
Ilang minuto pa ay binabagtas na nila ang maluwang na dagat. May mga ilan ding guest na nakasabay nilang nag-jetski. Tuwang-tuwa naman si Hershelle lalo na kung binibilisan ng asawa ang pagpapatakbo na para bang nakikipagkarerahan. Nag-e-enjoy siya dahil para na ring siyang nakasakay sa motorsiklo na ang daanan naman ay tubig.
Magdidilim na nang bumalik sila ni Edmark sa pampang.
Sa sobrang pagod nila ay hi
