حدوتة حب

الفصل السادس

الحلقه السادسه...حدوتة حب??

__________________

يوم جديد على ابطالنا يوم ملئ بالحب ام بالكره؟بالقرارات الجديده ام بالقرارات القديمه !!! هل الحب سيطر ام الانسانيه و الحق سيطر ؟ قرارات متجدده يجب ان تتخذها مايا لكن عقلها بما سيرشدها؟

_________________

مايا صحيت الساعه ٦ الصبح جهزت شنطتها و لبست و ريان قالها هينام ف اوضة المكتب حبت تتأكد من انه نايم و هتروح الرحله من غيره و ده الصالح ليها ..

مايا نزلت بهدوء بدون قلق ..

مايا/سُريه هو فين ريان

سريه/استاذ ريان نايم ف اوضة المكتب ي هانم

مايا/طب انا خارجه سلام

سريه/اتفضلي ي هانم

مايا خرجت و خدت و قفلت باب الفيلا براحه و مشيت و هي طالعه من الفيلا عربية ريان اللي مركونه المفروض اتحركت بسرعه رهييبه ف ثانيه واحده كانت قدامها و اتفزعت مايا ..

ريان بسخريه/اتأخرتي ليه بقالي ساعه مستنيكي

مايا بضيق/اومال سريه ليه قلتلي انك نايم

ريان بضحك/خليتها تقول كده و خلاص يلا اركبي

مايا بخفوت/غ*ي

ركبت مايا ..

ريان /فكراني غ*ي ولا اي يا حببتي

مايا بنرفزه/حبك برص يا شييخ

ريان ببرود/بنت عيييب لازم قدام الناس فالرحله تعامليني حلو

مايا باستهزاء/صحابي مينفعش يعرفوا انك جوزي اصلا ياريت متقولش قدامهم كده هيصدقوا

ريان ببرود / يبقا هتقولي خطيبك اومال هاجي بصفتي اي

مايا بفزع/استحاله اقول عليك خطيبي

ريان بضحك/خلاص عشيقك

مايا بنرفزه/ ازاي كمية البرود اللي عندك و الهزار ده!!!

ريان/انتي اللي بتتتعصبي اووي انا شايف انه ملوش داعي يعني

مايا بنرفزه/ تمام انت خطيبي خطيبي

ريان / مش هتعرفيني ليه عاوزه ال ٥ مليون !!و مخليكي مضطره تعملي كده

مايا بسخريه /قولي الاول مخبي مراتك الاصليه ليه

ريان بضحك/انا بحب الكوبي

مايا بملل/ انت غ*ي

ريان بنرفزه / انتي طولتي ل**نك اوووي كفااايه يعني

مايا بتوتر/خلاص متزعقش برااااحه

ريان بنرفزه/ده اي الارف ده

مايا سكتت طول الطريق و وصلو قدام الكافيه اللي جمب الجامعه و لقت الباصات..

زين بمرح/الحمدلله جيتي بدري يلا ساعدينا نكون مجموعات

مايا/مجموعات ليه طب؟

زين/كل واحد هيمسك مجموعة اطفال فالرحله

مايا/طب كويس

زين/ مين ده بقا اللي معاكي؟

مايا/خطيبي

زين بصدمه/اتخطبتي امتا

مايا/من كام يوم كده لما غبت

زين بتوتر/اتااري اممممم

مايا بفرح/هاخد مين بقا؟

زين /اهي المجموعه دي

مايا/تمام عرفني عليهم

زين/دي هايدي و ريماس و رنا و محمد و زياد

مايا بفرح/متحمسين للبرنامج اللي حاطينه؟؟

ريماس/طب و القمر اللي جمبك ده هيبقا معاكي

مايا بضحك/اه معانا و هيساعدني فالبرنامج

ريان بملل/مين ده اللي هيساعدك فاابرنامج؟

مايا/حبيبي هتساعدني

ريان بصلها لما قالت حبيبي

مايا بتوتر/ يعني ف صيغة الكلام

ريان ضحك...

مايا/يلا نركب الباص

هربت مايا للباص

ركن ريان عربيته و طلع الباص و قعد جمب مايا

وصلو مكان سياحي بالاقصر جميل جداً و عملو خيم بعيد عن الفندق لان ده نوع رحلتهم

مايا بمرح/الساعه دلوقت ٦ ي حلوين تحبو نبدأ برنامجنا ازاي؟؟؟

محمد /احكيلنا قصص ي مايا

ريان / ي محمد اي رايك تخلي القصص بليل؟؟

ريماس بمرح /نخلي بليل الحواديت ريان قال كده

مايا ضحكت/ماشي يا ستي يلا

قضوا اليوم شوي اكل و لعب و هزار و ضحك لحد الساعه بقت ١٢ و ريان بعيد كان بيعمل الخيمه بتاعته

رنا بنعاس/قوليلينا حدوته

مايا بابتسامه /حاضر

مايا/كان ياما كان كان في اميره عايشه ف بيت صغنون

ريماس/ في اميره بتعيش ف بيت صغنون؟

مايا/ يمكن الاميره دي عاشت ف بيت صغنن

رنا / تمام كملي

مايا / الاميره دي مكنش عندها ام ولا اب و لا اخ عاشت حياه عاديه لحد م قابلت سعيد الحظ الامير قابلته و عرض عليها فلوس مقابل انها تفضل جمبه

ريان بص باستغراب لما سمع كلامها و قرب

مايا/وافقت عشان تاخد الفلوس و تعيش حياه حلوه زي الاميرات فعلاً لكن الامير ده كان تعيس و بيخلي ايامها اتعس كمان قررت الاميره انها تمشي

ريماس / و مشيت؟؟

مايا بتنهيده/ للاسف مفرطتش فالامير

ريان كان ورا مايا بيسمع الحكايه بدون ما مايا تلاحظ ..

هايدي بمرح/ حدوتة حب دي حدوتة حب زي الحواديت

مايا بسخريه/بس الاميره دي بتحب ملك تاني

هايدي / ما يمكن الاميره تحب الامير مش الملك و حدوتة الحب تتقلب؟؟

مايا بتوتر/ يلا بقا ننام الجو اتأخر

مايا قامت و ديرت وشها اتخضت لانه لقته واقف

مايا بتوتر/ واقف من امتا؟

ريان ب ضحك /من ساعة ما قابلتي التعيس اللي اتعس حياتك

مايا بجمود/يلا كله على الخيمه بتاعته

ريان ضحك...

__________________

الساعه دقت الساعه ٣ الغجر و كل الخيمه مقفوله مفيش غير خشبة نار مولعه قعدت مايا قدام خشبة النار ..

لقت ريان طلع قعد جمبها

ريان/صاحيه ليه

مايا بخفوت/ وطي صوتك دلوقت الولاد يصحو

ريان قرب من مايا عشان يتكلم بصوت واطي

ريان بثقه/الحدوته اللي قولتيها دي انتي يا مايا!!!

مايا بتوتر/ لا مش انا مش انا

ريان بنبرة حب / مايا انا معنديش مشكله لو كنت الامير اللي فالحدوته

مايا بجمود / لكن فيه الملك

ريان بسخريه / و الملك سايبك تتسرمحي ف بيوت الناس عشان خاطر فلوس ؟؟؟

مايا بدموع/ انت م**م !! بعد م سمعت الحدوته؟ انا عاوزه حياه كريمه انا ولا عندي ام ولا اب و لا اخ عاوزه اعيييش مش اكتر

ريان بأسف/ مقصدش انا...

مايا بدموع/ انا مش عاوزه اكمل اللعبه الماسخه اللي زي الشطرنج دي

ريان / خلاص طب انا اسف متكمليش و هبعتلك ال خمسه مليون

مايا / مش عاوزه حاجه منك انا مش عاوزه اي حاجه سيبني لوحدي انا مش مستحمله سيبني كفايه اللي فيا

ريان بأسف / مايا عشان خاطري خديهم

مايا بسخريه/ معودتش عاوزاهم لان الشطرنج قال كِش ملك

ريان بحزن/ طب ...

مايا قامت و مشيت

ريان بخوف/ رايحه فين ؟؟

مايا/هقعد فالفندق

و مشيت مايا ..

__________________

جه ااصبح ...

كلو لم الخيم ..

زين /ريان فين مايا

ريان/فالفندق

زين باستغراب/مايا سألت عليها فالفندق مش موجوده؟؟

ريان بسخريه/ يبقا الحدوته خلصت مايا مشيت من هنا ي زين

زين بملل/ واضح انك زعلتها

ريان / ممكن

_____________

ف مطار ف اسبانيا ...

علياء بمرح/المفروض مالك مستنينا برا

مايا بفرح/ و انا مستنيه اشوفه

رفيقه شافت عيون بنتها اللي فيها الحب ..

رفيقه/مالك ده اخوكي يا علياء؟؟

علياء/اه اخويا

خرجوا من المطار ..

علياء بفرح و صويت / مااااااااالك

مايا ارتسمت على وشها ضحكه جميله جداً ..

مالك /حبيبتي وحشتيني

علياء/ و انت كمان

مالك/فين مايا

علياء بسخريه/طب كمل سلام و بعديها اسأل عليها

مالك بضحك/معلش بقا

علياء/اهي مايا

مالك ابتسم و سلم على مايا ...

مايا بفرح/ فرحت اني شوفتك

مالك بفرح/انا فرحت اكتر

رفيقه/احم يلا بقا عشان عاوزه الحق اوصل بيتي

مالك / خلاص مش مشكله يلا بقا انا هوصل علياء بيتنا و انتي روحي مع مامتك البيت و نخرج نسهر بليل؟؟

مايا بفرح / تمام نسهر بليل ينفع ي ماما؟

رفيقه بفرحه / طبعا ي حبييتي

مالك بابتسامه /سلام هاجي اعدي عليكي بليل

ركب مالك و علياء و مشيوا و كذلك رفيقه و مايا عربيتهم الخاصه ال خدتهم لفيلا من احسن الاماكن الموجوده ف اسبانيا

مايا بدهشه/ وااااااو ده بيت جوزك؟

رفيقه/ اه طبعا

مايا /متحمسه اشوفه اوي

رفيقه / هو ف شغل هيرجع كمان كام يوم

مايا بابتسامه/ مش مشكله استريح شويه و تكلميني عنه

رفيقه/تمام

رفيقه./بصي دي اوضتك

مايا بدهشه/حلوه اوييي

رفيقه/ استني ده بيتصل

و خرجت رفيقه من الاوضه و قفلت عليها و قاعده مايا مندهشه جداً من جمال الاوضه و كل ركن فيها دي فعلاً بقت اميره !!

رفيفه قطعت تفكيرها بفرح و فتحت الباب

رفيقه/حبيبي جاي فالطريق ساعه و هيكون هنا

مايا بضحك/ اوكيييه كويس اشوف جوز امي

_________________

خلال الساعه دي جهزت مايا دولابها و لبست فستان منفوش صيفي قصير لونه اصفر و جزمه و عملت شعرها كحكه و عاشت حياتها اللي مكنتش عارفه تعيشها ف مصر من حيث اللبس القصير و المكياج

______________

رفيقه بمرح /مايا يلا تعالي وصل وصل عاوزاكي تشوفيه هتنبهري

مايا بضحك./ حاضر هشوف اهو

دخل من عالباب الشخص المنتظر

.../ازيك؟؟

مايا اتصدمت من رؤيته !!!

مايا بصدمه/ اي ده؟؟؟؟؟