“MAY MGA dumarating!” excited na sabi ni Eira na nakasungaw sa malapad na bintana.
“Hapon? Nandiyan na ang mga Hapon!” malakas na sabi naman ni Berry habang palapit kay Eira. “Kung makasigaw ka parang may giyera.”
“Anong Hapon?” ani Sky na akmang susunod kay Berry.
“Hep! Diyan ka na lang,” pigil ni Berry kay Sky. “Baka makabasag ka na naman kamamadali mo. Mauubos na ang pipti milyon mo pag inawas sa iyo lahat ng nasira mo.”
Sa halip na mapikon ay tatawa-tawa na lamang si Sky na bumalik sa kinauupuan nito.
“Ano ba iyon?” sabi naman ni Amira na tumayo na rin.
Tumayo na rin si Vera Mae kasabay ng pagsagot niya sa tumunog na cell phone. “Yes, nandito na sila. Just in time. Thank you so much, Fritzie. Ako nang bahala sa staff mo.”
“Ay, parang alam ko na!” excited din na sabi ni Mabel na
