Hindi nakatulog si Rick dahil sa nabalitaan. Iniisip niya rin kung may mga picture ba siyang na-save sa loob ng cellphone. May password man iyon pero alam niyang maaari pa ring mabubuksan kung sakali.
Inis na bumangon siya mula sa pagkakahiga sa kama at tinungo ang banyo. Sandaling naghilamos at lumabas na rin. Magpapalit na sana siya ng damit nang magulat dahil may nag-doorbell. Kinakabahang tinungo niya ang pinto palabas ng terasa at sinilip mula rito kung sino ang nasa labas ng gate. Kinakabahan siyang baka natunton na siya ng mga pulis.
Nagulat siya dahil ang abogadong nagbigay sa kaniya ng bahay iyon. Anong ginagawa nito rito?
Hindi na siya nagpalit ng damit at tinakbo na kaagad ang pinto palabas ng kuwarto.
Baka ito na 'yong hinihintay niyang business.
***
Hindi makapaniwala
