Nagulat si Rick nang biglang may mag-doorbell. Sunud-sunod iyon at ang sakit na sa tainga. Natigil tuloy ang tangka niyang pagsusulat sa notebook. Inilapag niya saglit sa kama ito at sumilip sa terrace. As expected, si Sam ang nasa labas at parang inis na tumingin pa sa kaniya.
Totoo nga siguro ang sapantaha niya sa babaeng ito, may topak! Naiinis na iminuwestra niya ang sandali lang bago lumabas ng kuwarto. Malapit na talaga itong babae sa kaniya.
Patakbo na niyang tinungo ang gate dahil patuloy pa rin nitong pinipindot ang doorbell.
"Ano ba? Gigisingin mo ba ang lahat nang tao sa subdivision?!" Inis na pabiglang binuksan ni Rick ang gate. Pero, tuloy-tuloy lang na pumasok si Sam at padabog na umupo sa sofa.
Nauubusan na nang pasensiya si Rick sa inaasal ng babaeng ito.
"Girlfriend
