Napawi ang ngiti ni Rick nang makita ang taong siya raw umamin ng kaniyang kasalanan. Natitigilang pinagmasdan niya si Atty. Ruel Lim.
Anong...?
May posas ito sa likuran at panay iling ito at hindi nagsasalita. Parang pinipilit nitong magsalita pero walang boses na lumalabas. Tanging puro "ahhh.." ang nasasambit nito sa mga katanungan ng mga pulis.
Lumapit siya nang bahagya sa mga ito na naging sanhi nang paglingon nila. Nanlaki ang mga mata ng attorney nang makita siya. Nagpumilit itong tumayo at patuloy ang pagsambit nito ng "ahhh..." at iiling nang iiling. Umiiyak na rin ito at parang nagmamakaawa ang kaniyang mga mata sa mga nais nitong sabihin.
"Dumating siya rito na may kasamang isang lalaki. Ibinigay niya ang attorney na ito na siya raw may gawa ng lahat ng kasalanan mo. Kasama
