May nakalagay na close sign sa pinto ng bookstore. Nag-text naman sa kaniya ang pinatayo niyang supervisor na magsasara na ito. Madilim na rin ang loob nito at pati ang mga establisyementong nakapaligid sa kaniya. Napatingala pa siya sa kalangitan dahil mukhang uulan pa ata. Malamig ang simoy ng hangin at wala ring bituin. Sinecure niya ang sasakyan kung nakasara nang maigi bago inayos ang pagkakasukbit ng bag.
Kinuha niya ang cellphone para sana tawagan ang kaniyang supervisor. Hindi pa nito naisasara ang rolling door at mukhang naiwan nito iyon. O, baka naman nasa loob pa ito? Uwian ang guwardiya kaya baka nakaalis na rin ito. Pero, bakit naman magpapaiwan ang supervisor niya? Baka may ginagawa itong hindi maganda sa loob.
Akmang idadayal na niya ang numero nito nang mag-register ang n
