ELIZA’s POV
“Kamusta si Angelito?” tanong ko sa kapatid kong si Julai.
Nagbabasa ito ng libro malapit sa kama ni Angelito kaya hindi nito namalayan ang aking pagdating. Ibinaba nito ang libro at tumingin sa akin.
“Nandiyan kana pala ate. Ayan oh, sobrang pagod kaya nakatulog. Naglaro, nanood ng movies at kumain ang ginawa maghapon.” Natatawang kwento ni Julai.
“Talaga? Nakakatuwa naman na nagkasundo kayong dalawa.”
Nilapitan ko ang natutulog na si Angelito at inayos ang ilang buhok na napunta sa mukha niya. Masuyo kong hinawakan ang kanyang pisngi. Hindi mo aakalain na ilang araw pa lang ng makilala ko ang batang ito pero sa pakiramdam ko para ko na siyang tunay na anak.
“Mabait na bata naman siya ate, napakabibo at masunurin.” Pagbibida ni Julai sa akin.
Marahan akong napatawa sa k
