"Pasensya na, ito lang kaya ko ngayon." Inabot sa akin ni Nathan ang isang plastic cup na puno ng fishball, kikiam, at hotdog. Puno ito ng sauce na nalanghap ng ilong ko.
"Ano ka ba? Sabi ng okay nga lang sa akin. Masarap naman 'to!"
Umupo kami sa isang sementadong upuan sa parke. May ilang mga batang nagtatakbuhan. May ilan namang naglalakad-lakad at ang ilan nakaupo lang din sa iba pang cemented chair.
Tinikman ko ang fishball at hindi ako nagkamali, masarap nga ang matamis na sauce ni manong.
"Suki ka ba ni manong?" tanong ko, habang kinakain namin ang street food.
He laughed. "Oo. Paborito ko iyong sauce niya eh. Masarap diba?"
"Masarap nga. Natikman mo na iyong sa labas ng school natin?"
"Ah iyon, oo. Pero mas masarap pa rin 'to."
I chuckled. "Mas masarap nga 'to."
Pinunas
