"Sir, nandito na tayo sa Hotel." pagbibigay alam ng driver kay Jay, matapos nitong itigil ang sasakyan sa tapat ng isang sikat na hotel sa Quezon City. "Bale- 3, 500 po lahat, Sir, ang babayaran n'yo." dagdag niya. Nag-alala din siya, dahil baka hindi siya bayaran ng dalawang pasahero.
"Okay! I'll pay you online. Give me your number." tugon ni Jay, sabay bukas sa kanyang mobile banking app.
"Cash lang po, Sir. Wala po kasi akong bangko." sagot naman ng driver. Napakamot na rin siya ng ulo, dahil sa pag-aalala na baka kulang ang ibabayad sa kanya.
"May cash ako dito. Sa akin mo na lang i-transfer ang pera." sabi naman ni Aubrey. Agad niyang inilabas ang kanyang wallet at kumuha ito ng apat na libo. "Here, Manong, keep the change!" saad ni Aubrey, sabay lahad sa apat na tag isang libong
