"Lou?" Akala niya ay namamalikmata lang siya sa nakita. Ipinilig pa niya ang ulo para lang titigang maigi kung si Louise nga ba ang nakita niya ngunit nang muli niya itong tignan ay nawala ito sa kanyang paningin.
Nagkibit-balikat na lamang siya at itinuloy ang paglalakad. Sobrang sakit din kasi ng ulo niya dahil halos wala pa siyang tulog kaya siguro kung ano-ano ang nakikita niya.
Kailangan niyang dumaan muna sa restaurant ng hotel para kumain. Hindi na niya maaantay pa ang room service ng hotel upang madalhan siya ng pagkain.
"Make it quick, please," sabi niya sa server pagkatapos niyang ibigay dito ang order. Sandwich lang ang inorder niya dahil mas mabilis iyon kumpara sa pasta or anumang ulam na nasa isip niya. Mamaya na lang siya mag-oorder ng maayos kapag nakapagpahinga na
