Nagpasya siyang mag-drive papuntang Central London. Gusto rin niyang madalaw ang mansyon ng mga matatanda upang tignan kung naaalagaan pa rin iyon ng mga kawaksi. Ibinilin kasi sa kanya ni Aine kung maaaring tignan-tignan niya iyon kung may pagkakataon kaya nang tatlong araw na magkakasunod siyang walang pasok ay ipinasya niyang doon sa masyon mamalagi.
"Okay naman po ang mansyon, Tita. Malinis na malinis po," iniabot sa kanya ng kawaksi ang meryenda. Nagpasalamat siya bago sumimsim ng juice. "Naaalagaan po nila ng maayos. I even checked the room of Lolo and Lola. Malinis din po." Ibinaba niya ang baso at dinampot ang sandwich bago kumagat. "Dito po ako matutulog for three days."
"That's good to know. Hindi umuuwi diyan si Eric kaya hindi kayo magkikita," nanghinayang siya doon
