Nakisabay ang apat sa karwahe ni Mang Rene nang matapos ang pakay sa opisina ni Tinyente Elgario. Pinakilala ni Victoria sa mga magulang si Pochoy, kwinento kung bakit nila ito kasama at pagkuwa’y binigyan sila ng pagkakataong kilalanin pa nang mabuti ang bata samantalang ang tatlo’y bumaba’t tumungo sa niyugan – ang parehong lugar kung saan nila unang pinag-usapan ang Tinyente.
“Tutol ako, Engracio,” kagyat na sambit ni Felix, hindi pa man din binabanggit ni Mikael ang napagkasunduan nila ng Tinyente. Malakas ang kutob nitong may hinihinging kapalit kay Mikael. Kutob niyang `yon ay iyong naudlot noong piging.
“Siyam ata ang buhay ng Tinyente, Felix.” Isinandal ni Victoria ang kamay sa nakasandal rin na puno ng niyog. “Akala ko ba napatay mo na?”
“Maaring nagpanggap lang siya na patay n
