We call her Baby Dahl. Si Daisy ang nagpangalan sa kanya. Dahlia ang pinili niya para daw pareho silang bulaklak. Saka magaan sa pakiramdam na tawagin namin siyang Baby Dahl. It rhymed with baby doll. Excited na nga sana kaming makarga ang buhay naming manika.
Iyon ang sabi ni Flint habang papunta sila sa kinaroroonan ng anak niya. Nakita niyang apektado din si Flint nang makita nila ang sanggol. May pigil na luha sa mga mata nito nang hagurin sa noo ang baby at saka siya iniwan doon.
“Baby Dahl…” pigil na pagtangis niya nang siya na lang ang maiwan doon.
Walang patid ang pagluha ni d**k habang hinahaplos ang wala nang buhay na anak. Mula sa malamig na stainless table ay kinuha niya iyon at mahigpit na niyakap. Lalo siyang napahagulgol ng iyak nang makarga ang munting katawan niyon.
