Hya's Point of View
Napadako ang tingin namin ni Trixie nang magbukas ang pinto. Bumungad sa 'min ang gwapong boyfriend ko na walang iba kundi si Ced.
"Hi, Sir Ced," bati ni Trixie rito.
"Oh, hi. Mabuti naman at napadalaw ka rito," tugon ni Ced sa kaniya.
"Oo, nga po, Sir. Ngayon lang po ako nakapunta rito dahil busy po ako no'ng nakaraan," pahayag niya rito.
"Ah, atleast nakapunta ka rito ngayon," sagot ni Ced.
Tumayo si Trixie, "Ma'am Hya, Sir Ced, aalis na po ako," paalam nito.
Napakunot-noo ako, "Aalis ka na kaagad?" tanong ko sa kaniya.
"Oo nga, dumating lang ako tapos aalis ka na kaagad," sambit ni Ced.
"Opo, Ma'am, Sir. May exam pa po kasi ako bukas, eh," sambit niya. Alam kong dahilan niya lang na may exam siya, pero ang totoo nahihiya siya kay Ced dahil crush niya ito.
