Hya's Point of View
Mag-isa na naman ako ngayon rito sa VIP Room. Umalis si Ced dahil pinapatawag siya ng kaniyang Daddy. Umalis din sandali si Lexie dahil may importanteng pupuntahan daw siya.
Napalingon ako sa may pinto dahil may marahang kumatok.
Nakangiting pumasok si Trixie. "Hi, Ma'am Hya. Papasok na po ako ha?" bungad niya sa 'kin nang makapasok na siya. Siya ang anak ng isa sa mga katulong sa mansion.
"Kumusta? Mabuti naman at napadalaw ka rito. Hindi ako makatawag dahil hindi ako pwedeng gumamit ng cellphone eh," sambit ko sa kaniya. Inilagay niya ang kaniyang mga dala-dala sa ibabaw ng mesa at pagkatapos ay umupo siya sa upuang nasa may tabi ng stretcher.
"Ayos lang po, Ma'am. Ma'am, pasensya na po kung ngayon lang po ako nakapunta rito, alam n'yo naman po na inayos ko pa
