Hya's Point of View
Nasaan na kaya ang dalawang iyon? Dinako ko ang aking tingin sa wall clock. Eleven thirty na pero wala pa rin sila. Pati si Ced, wala pa rin. Baka busy lang talaga silang lahat ngayong araw.
'Yong cellphone ko ilang araw nang low battery, hindi ko man lang pala napa-charge kay Ced. Pero bawal din naman akong gumamit nang cellphone.
Napalingon ako sa may pintuan nang may biglang pumasok.
Nanlaki ang mga mata ko at napalunok ako ng makita ko na si Mr. Chairman at ang asawa nito. Sila ang mga magulang ni Ced. Nakangiti sila habang papalapit sa 'kin at nginitian ko rin.
"Magandang tanghali po, Sir and Ma'am," bati ko sa kanila. Dahan-dahan kong inangat ang katawan ko upang makasandal ang aking likod sa headboard ng stretcher.
"Magandang araw din sa 'yo, Hija.?" tugo
