Ikinuwento ni Fermie kay Kia ang nangyaring ganap sa kaniya pagkatapos ng kaniyang board exam.
"Naku, kung makikita ko ang mokong na ‘yan na ginaganiyan ka niya malilintikan talaga ang tarantadong iyon. At bakit ba bigla-bigla eh sumusulpot na tila kabute!" nanggigigil na turan ni Kia.
"Kaya nga eh. Sinabihan ko na siya na kung anuman ang pakay niya sa akin at baka kung may balak siyang ligawan ako o kung anuman at least nasabi ko na sa kaniya na may kasintahan na ako. Natatakot ako kasi sa ayaw daw at sa gusto ko magkikita at magkikita pa rin kami," nabahalang sabi ni Fermie.
"Sa susunod, huwag na huwag kang magtiwala na sasakay sa kotse niya. Hindi natin kilala ang taong iyon. Baka may masamang hangarin iyon sa iyo, Bes. Walang imposible dahil maganda ka at hindi pa naman mababakas sa
