“Bukas pa ang gate, Gabbie. Maaari ka nang umalis. Please…nakikiusap din ako sa iyo. Huwag mo nang guluhin ang kaibigan ko. Kung noon ay pinaniwala mo akong mahal mo siya, ngayon, utang na loob, lubayan mo na siya at huwag mo nang dagdagan ang dagok na nararamdaman niya.” Itinuro pa ni Kia ang nakabukas na gate.
Napailing naman si Gabbie. Mabigat ang kaniyang loob. Inakala niyang sa muli niyang pagbabalik sa lugar na ito ay muli niyang makausap ang dalaga at para maitama kung anumang kamalian ang namagitan sa kanilang dalawa.
“This will be the last try, Kia. Walang nagbago, mahal na mahal ko si Fermie at noon pa ma’y wala akong ipinalit sa kaniya. May mga nangyayari lang na hindi ko inaasahan. I want to ask this last question, totoo bang nanganak si Fermie?”
“Oo, tama,” agarang sagot
