NAPAKUNOT ang noo ni Graciella nang may marinig siyang malakas na tawanan sa labas ng kanyang silid. Dahil napuyat kagabi sa paglalamay ng kanyang manuscript ay tinanghali na siya ng gising. Bumangon siya ng kama at lumabas ng silid.
"Naku, paborito talaga ni Graciella ang mga ito. Noong bata pa siya, lagi niyang nire-request na magluto ako niyan," narinig niya ang boses ng kanyang ina.
Tinungo niya ang kusina at napatda siya sa naabutan doon. Abala ang kanyang ina sa paghihimay ng gulay na pako at may kasama itong lalaki na noon ay nakatayo sa harapan ng kanyang electric stove.
"Gising ka na pala, Anak," ani ng ina niya nang mapansin siya.
Pumihit paharap sa kanya si Tristan. May hawak itong sandok at nakasuot ng apron. "Good morning!:
Noon siya tila natauhan. Walang salita na iniwa
