PAGKATAPOS nilang mag-lunch ni Vina ay naglakwatsa sila sa katabing mall. Naakit na naman siya sa mga Christmas décor. Iyon ang bitbit niya nang bumalik sila sa office. Bakante ang kuwarto ni Luis nang pumasok siya doon. Nagi-guilty din naman siya na hindi sila nagkasabay mag-lunch pero alam niya, hindi lang naman iyon ang araw.
“Wala pang spirit of Christmas dito sa office mo,” sabi niya nang makitang bumalik na si Luis. Ipinuwesto niya sa mesita ang assorted balls and candles centerpiece na inayos niya sa isang plate.
Nakita niyang nakatitig ito sa mga iyon.
“Lui, galit ka ba? Napansin ko kasi na wala ka pang décor dito pero sa labas meron na.”
“Bakit ako magagalit. Maganda iyang ginawa mo.” Naupo ito sa sofa na nasa tapat ng mesita. Dinampot nito ng isang Christmas ball. Nilaro-lar
