"Papasok ka pa rin ba?" nag-aalalang tanong ko kay Nikki na ngayon ay nakabihis na at handa nang pumasok sa trabaho. Panggabi siya ngayon sa trabaho. Alas diyes ang pasok niya pero alas nuebe palang ay handa na siya. Nakakain na rin siya ng hapunan. Sinabayan niya ako kanina.
Signal #2 ang bagyo dito sa Cavite ayon sa balita sa TV kanina. Malakas ang hangin at ulan sa labas. Rinig na rinig ko ang malakas na patak ng ulan at ang ugong ng malakas na hangin na humahampas sa mga bubungan.
"Alam mo namang perfect attendance ako lagi at never pa akong uma-absent. Ayaw kong bagyo ang sumira sa maganda kong record." Hinanda na nito ang payong na gagamitin matapos ilagay ang baong damit at sapatos sa loob ng bag. Sa company na raw siya magpapalit ng damit at baka mabasa rin ang damit niya kahit n
