Chapter 51
Mark
Tahimik ang hapon dito sa bahay ng mga magulang ko sa Makati. Pero kahit walang ingay sa paligid, parang may bagyong umiikot sa loob ng ulo ko. Ilang araw na akong ganito—hindi mapakali, hindi makatulog, at hindi rin mapanatag ang puso.
Hawak ko ang cellphone ko habang nakaupo sa lumang sofa sa sala. Nakapatay ang TV, pero sa likod ng isipan ko, nananatiling malinaw ang imahe ng mga balita: baha sa Montalban, mga pamilyang nagsisiksikan sa evacuation center, at mga daan na hindi na madaanan. Isang footage pa nga ang tumama sa dibdib ko—isang covered court na may makakapal na banig sa sahig, mga taong nakapila sa pagkain, at mga bata na basang-basa sa lamig.
Hanggang ngayon hindi ko pa rin mahanap si Julie. Hindi ko alam kung nasaan siya? At sa dami ng iniisip ko, ‘yon a
