رواية لم أكن أنتويه حباً فأصبح بالحلال عشقاً الجزء الثاني

الحلقة الثالثة

بصت اميرة علي تليفونها بعد ما خرجته من جيبها ليظهر على وجهها الضيق ، كانت سهام بتقول لاختها" هو صوحيح البطاطس حلو جد اقده مع البيض "

استاذنت اميرة منهم و بعدت و هي بتفتح تليفونها وقالت " السلام عليكم"

خدت سهام بالها من حالة اميرة بصت لهويدا وقالت " شكله العريس، البنت ارتبكت وبعدت والله شكلنا هنتروج على الاخير "

بص حسام ناحية اميرة و طريقتها وهي بتتكلم بخجل و تخفي واتحرك بدون كلام عشان يدخل غرفته..

عادت سهام سؤالها لاختها وقالت " مجوبتيش عليا ليه، هي البطاطس حلوه مع البيض للدرجادي"

و بالمكالمة التليفونيه رد احمد وقال " و عليكم السلام ورحمة الله وبركاته، وأخيراً رضيتي علينا وقبلتي ترفعي الحظر عني"

اتن*دت لترد بعدها وتقول " زي ما قولتلك قبل كده، كنت عايزه اخد راحتي بالتفكير بدون ضغوط "

زعل احمد وقالها " اخص عليكي يا اميرة هو كلامنا مع بعض بقى ضغط عليكي دلوقتي، بصراحه ماكنتش منتظر منك الرد ده خالص"

ردت عليه " اعتذر لو ضايقتك بس بجد كنت محتاجه ده جدا "

رد بحب وقالها " بالع** انا الي بعتذر منك، ولكن صدقيني ده عشان وحشتيني قوي وكنت عايز اسمع صوتك و اطمن عليكي"

سكتت اميرة ليكمل هو كلامه وقال" مالك يا اميرة ايه الي اختلف فين اميرة بتاعت زمن الي كانت بتنتظرني كل يوم وقت رجعتي "

ردت اميرة وقالت" كانت صدفه انا قولتلك قبل كدة انها كانت صدفه "

اتكلم احمد وقالها" فرضنا اني هصدق انها صدفه، ولكن اما قولتي انك مش هتقدري تكلميني غير اما اجي البيت كانت صدفه بردوا"

بالمطبخ كانت سهام بتتكلم بحماس وهي بتقول" بت يا هويدا ايه رايك ناخد اميرة عندنا فوق بعد الغدى ونتكلم معاها ونفهمها البنت شكلها خام وخايفه من الجواز، اهو ن**ب ثواب في خالي ونفرح كلنا "

قفلت هويدا باب المطبخ عليهم وقربت من اختها وهي بتقول" تفهمي مين يا غشيمه هو انتي ماخدتيش بالك من ايتها حاجه "

فكرت سهام شوية وردت بعدها ببلاها " جصدك عشان مرت خالي مش راضيه عن الجوازه "

ردت هويدا وقالت" لا يافالحه مش قصدي علي ده، انا جصدي على خوي الغرجان لشوشته، الواد حسام بيتعذب وبيتشوي على نار هاديه و هو يا حبة عيني غلبان و ساكت محدش حاسس بيه، ما انتي عارفه ديما يقدم سعادة الكل على سعادته "

ردت سهام بحيره وقالت "وااه يا ختي انتي عارفاني مليش في كلام المسلسلات بتاعكم ده ، اتكلمي دغري بدون تزويج ومراغوه ماله حسام ومال عريس اميرة، اياكش يكون بينافسه بالسوق "

ض*بتها هويدا على راسها وقالت بغيظ " اخيرا فهمتي ، ايوه الواد احمد كان عنده بهيمه عامية ضحك بيها على حسام ومن ساعتها وحسام محروق وهيموت على الفلوس الي دفعها "???

ردت سهام وقالت" مع اني مفهمتش، بس سؤال هو العريس شغال زيينا بالسوق "

بصت هويدا ليها وقالت " شوفي بقولك ايه ياختي وانتي بتسألي في ايه ، تصدقي اني استاهل ض*ب البولغ عشان بتكلم معاكي ، امشي من وشي لخرشمك خليني اخلص صوص السينبون عشان ياكلوه تصبيره قبل الغدى"

وقفت سهام شوية مع نفسها لتقول بعدها " اهيييي سنه سوخه ياولاد ، بت يا هويدا ليكونش الي في بالي "

كانت اميرة اغلب المكالمة ساكته بتسمع له بدون مترد ولو ردت بترد رد مختصر، اتضايق احمد من طريقتها وقالها " خير يا اميرة هو انا زعلتك في حاجه ، الي يسمع مكالمتنا يقول انك متحمله بالعافية ومنتظرني امتى اقفل "

ردت عليه اميرة و قالت" عندك حق انا بعتذر منك مرة تانيه، مكنش ينفع الموضوع يطول كل ده، بس انا حاولت افكر كويس و ادي نفسي وقت كافي عشان ماظلمكش ولكني بجد مش قادره في حاجات كتيره بينا مختلفه، وكمان انا مش مرتاحه كل ما اصلي احس نفسي مخنوقه اكتر بعتذر منك بس ديه الحقيقة "

زعل احمد وقالها" يعني ايه بينا حاجات مختلفه ومش مرتاحه، هو انتي اديتي لنفسك فرصه تكلميني عشان تحكمي علينا بالشكل ده، انا اتحيلت عليكي اكتر من مرة نتكلم عشان نفهم بعض وجيت البيت من بابه زي ما طلبتي انا مقصرتش في حاجه ولكن انتي مدتيش لنفسك فرصه عشان تفهميني "

ردت أميرة وقالت"صدقني تكرار الكلام ده مفيهوش فايده، انا مكنتش اعرف اني هشعر بده، بعتذر مره تانيه لتأخيري على الرد و ربنا يكرمك ببنت الحلال الي تناسبك و تسعدك "

رد احمد بسخرية وقال" ودلوقتي اكيد منتظرة مني ارد و اقول اتمنى ليكي حياة سعيده مع حسام، وله اقولك بوقت سعيد برحلتك معاه "?

اتصدمت اميرة من كلامه ردت بضيق" انت سامع الي بيخرج منك، انت ازاي تكلمني كده انا قولت ليك اكتر من مرة ان حسام ابن خالتي وزي عمرو بظبط "

جه احمد يتكلم ولكنها مسمحتش له، اتكلمت تاني وقالت بعد اذنك انا مضطره اقفل السلام عليكم وقفلت بالفعل..

اتجنن احمد وغضب على نفسه وهو بيتصل بيها و بيتمنى ترد عليه..

بالمطبخ كانت سهام بتقول لاختها" والله افتح راسها هي وعريس الغفله نصين ، هما مين عشان يجهروا خوي"

ردت عليها هويدا وقالت " اه يا حبة عيني الواد واقع ومحدش حاسس بيه ، الكل قاعد يدبح فيه وهو حاطط بقلبه وساكت"

اتعصبت سهام وقالت " لا عاش ولا كان الي يجهر خويا ، ليه هو احنا لاجينه بالشارع اياك، دنا اجوزوا ست ستها "

ردت هويدا عليها وقالت" ركزي معايا بقولك الواد بيحب البنت، ندور ليه على غيرها ليه، وبعدين اميرة منا وعلينا اخرتها معروفه نجيب واحده غريبه لينا تغيظ و تكيد فينا ليه وكمان مش يمكن الغريبه ديه تقلبه علينا و تعصيه على امه "

برقت سهام بعينيها وهي بتقول" وهنعمل ايه دلوجيت"

قربت هويدا منها اكتر وقالت بصوت واطي" احنا هنسعى لنجربهم من بعضيهم و مش هنخلي اميرة تسيب البلد غير و دبلة حسام بايديها "

سالت سهام وقالت" وهنعمل ايه بخطيبها "

ردت هويدا وقالت" هنطفشوا و هننضم لفريق مرت خالك جمال ، ونسيطر بعدها على عقل خالتك ام سعاد "

بصت سهام لاختها وقالت " هو انا ليه خفت منك دلوقيت "

خبطتها هويدا على ايديها وقالت "ايوة خافي امال ايه هو حسام قليل عندينا، دنا هركب قرون الشيطان و ااتشقلب بكل المؤامرات الي مرت بالدراما التركية والعربيه لحد ما اجوزهم، لو وصلت الحكاية هحطله سم بالاكل مع ان ده مش بينفع غير بالسقاط "

ردت بتلقائية وبلاها و بفم مفتوح " هي اميرة حامل "?

ردت هويدا وقالت " حامل ايه يا ختي انتي عايزه خالك يطخه، بصي ركزي معاي و سيبك من الطبخ و فتحيلي عنيكي و نضفيلي ودانك مش عايزه عته دلوقيت، ورانا مهمه وعلينا لنخلصها لنخلص عليهم "

ردت اميرة على احمد بعد ما كرر اتصالاته اكتر من مره ، ليبدأ هو اعتذاراته من اللحظة الاولى وقالها " ماكنش قصدي والله، انتي عارفه انا بغيير قد ايه صدقيني حسام حاطت عينه عليكي، انا عارف انك مش بتبدليه نفس الشعور بس هو مش بيعتبرك اخته ده بيحبك وحاطت عينه عليكي، انا مش بتحمل يكون قريب منك "

اتكلمت اميرة بعصيبه وقالت ليه " صدقني يااحمد الموضوع بعيد عن حسام و عن غييرتك و كلامك الي ملهوش اساس ، انا قولت ليك اني مش مرتاحه وكل ما اصلي اتخنق اكتر عارفه ان الموضوع طال بس بجد ده دليل اننا مش من نصيب بعض "

حاول احمد يقنعها انها تفكر تاني و تصلي و هو مش هيضغط عليها..

ولكنه ميعرفش بطريقته ديه ضغط فعليا عليه لتقوله" اسفه مش هفكر ولا هصلي الموضوع بالنسبة ليا منتهي لو احتاجت حاجه تقدر تتواصل مع بابا السلام عليكم "

قفلت اميرة تليفونها و عملت حظر من جديد بعدها بسرعه عشان ميلحقش يرجع يتصل

وبضيقها و حالتها اتحركت لتروح الحمام لتتوضى ، وهي بطريقها لمحت حسام الي كان بيبص عليها بحزن بدون ما يتكلم فشعوره انها كانت بتكلمه ومبسوطين مع بعض وجعه و دبحه على رأي اخته..

قعد يبص فيها ب**ت كالعادة ولكن الجديد انها هي بردوا بدلته نفس النظرات وال**ت بس ال**ت ده خارجي فقط

لان بداخلها كان كلامه لسه بيتكرر وهو بيقولها " حسام عينه عليكي، مش معتبرك اخته، ده بيحبك "

انتهت الحلقة خليهم كده مبحلقين لبعض لحد الحلقة الجاية الي هتكون الاخيرة او ما قبل الاخيره

اتجمعت العيله بالمجلس الكبير وهم بيشربوا الشاي بعد ما اتغدوا ، اتكلمت أم سعاد وقالت " الله يا هويدا تسلم ايدك علي الرقاق باللحمه انا بيتهيألي مالكيش غيره من حلاوته" ضحكت الأم سميه وقالت" آمال مين خلاص طبق الباميه "

ضحك الحج جمال وقال " بصراحة و انا خلصت طبق الباميه الي كان قدمي وطبعا بجانب الرقاق باللحمه "

ضحكت أم حسام وقالت " صحه وعافيه علي جلبكم مع اني زعلانه من اميره دبحتلها الد*ك الشر**ي مخصوص عشانها وبردك مكلتش منيِه "

ردت اميره على عمتها وهي بتاكل ندي طبقها و قالت " حقك عليا يا عمتو والله ، بس كانت لحمتة غامقه قوي وأنا مش بحب غير الفراخ البيضه بصراحة "

زعلت أم حسام وردت عليها " الفراخ البيضه ديهه مش بتروم العضم ، ديه كلها هرمونات وحقن وامراض يااامِه "

رد الحج جمال وهو بيضحك علي اخته وقالها " براحه يا اختي مش للدرجه ديه، انتي كده هتكرهينا فيها واحنا ملناش غيرها بالقاهره، وبعدين ده حال كل الشباب بكرا تتجوز وتاكل كل حاجة زي اخوها "

لم تعجب أم حسام بكلام اخوها ردت من جديد وقالت " بس ديه بت يعني هتتجوز وتشيل مسؤوليه وحمل و ولاده وجري وراه العيال ومطبخ وغسيل، منين هتجيب صحه لكل هادا "

ضحكت اميره وقالت لعمتها " بعد الكلام ده انا اعتزلت الجواز هقعد عند اهلي كافيه خيري شري "

ضحكت ام سعام وقالت" او يجبلك شغاله "

قلبت أم حسام وجهها وردت بغير رضا " دلع بنات ماسخ، بكرا يا عمتي تفتكري كلامي وتندمي علي الايام هادي "

دخل حسام عليهم المجلس وهو بيعتذر عن تأخره وعدم انضمامه معهم علي الغدي بسبب شغل مهم كان لزم يكون موجود فيه، دخل سهام ومن بعده جوز هويدا وهما كمان بيعتذروا و بيسلموا على الجميع..

وقفت سهام وقالت " ولا يهمك ياخويا كلنا اهل مفيش حد غريب ، حمدلله على سلامتكم هقوم احضر ليكم الاكل اكيد تعبانين "

رحب الجميع برجاله البنات الي نادر اما بيشوفوهم من كتر مشاغلهم ، قعد حسام جنب هويدا وهو بيبص علي ندي وهي بتاكل في حضن عمتها مالت هويدا علي اخوها وقالت " جيت بوقتك اتبقى القليل وامك تمسك بخناقها "

استغرب من كلامها حاول يفهم الي حصل وهو بيص علي امه ، طلبت أم سعاد من اختها الفطير المشلتت، ردت عليها ووعدتها انها بكرا هتفطر بيه.. تدخلت سميه بكلامهم و قالت ليها " متغلبيش نفسك خدي راحتك الدنيا مش هطير "

ردت أم حسام وقالت " متخافيش عليا البنات بيساعدوني"

وابتسمت وهي بتبص لحسام وبتقول" بكرا حسام ابني يتجوز ومرته تريحني على الاخير، اصل هنا عرايسنا مش زي اي عرايس ،شاطرين على الاخر بيعرفوا بيعملوا كل شيء البت بتعرف تعمل كل حاجه اكل و تنضيف ويهتموا بازوجهم و اولادهم "

قعدت أم حسام تشكر في بنات اسيوط و خصوصا بنات عائلة جوزها و ستتهم الاُصلة و الكرمه الي تحس بالراحه معاهم ، بصت اميره علي حسام بحزن ثم تحركت وهي بتقول لندي " تعالي نغسل ادينا و وجهنا بعد الاكل "

وخرجت وهي بتسمع عمتها بهيه بتقول " انتوا بقي بتجوز الولاد طمع في مساعده زوجتهم، بصراحة كان الله بعون بناتكم احنا عندنا بالقاهره البنت بتتجوز عشان جوزها يهنيها ويسعدها ويريحها "

غسلت اميرة ايد ندى قبل ما تجري من بين ايديها عشان تلعب مع ايمن ومصطفي وكامل و حسن وهي فرحانه انهم رجعوا من المزرعه نادت عليها عمتها وقالت ليها " براحه وانتي بتجري لتقعي "

وقفت في مكانها واتن*دت بضيق فكرت شوية ثم تحركت للمطبخ عشان تعمل لنفسها فنجان قهوة ☕ وتاكل جنبه السينابون الي مقدرتش تأكله قبل الغدي

كانت سرحانه ومضايقه شويه وتفتكر كلامها مع احمد وشويه تفتكر كلام أم حسام عن احلامها بعروسة ابنها

خلصت القهوة سكبتها بفنجانها واخدتها هي والسينابون و همت ترجع بيهم للمجلس ولكنها غيرت طريقها وخرجت بره البيت عشان تقعد علي مصاطب اسمنتيه بجانبه وهي شارده بتتف*ج عليهم وهما بيلعبوا وبيجروا وره بعض

.........

بالمجلس الكبير كان حسام بياكل جنب نسايبة ازواج اخواته البنات الي كانوا بيتكلموا مع الحج جمال ، كان منتظر رجوع من خ*فت قلبه مره تانيه..

انتبهت أمه علي نظرته التي تكررت اتجاه الباب اكثر من مره ليبدأ الشك يختلط باليقين جوه قلبها،

وبعد صلاة العشي استأذن جمال ومن بعدو زوجته سميه عشان ينامو بدري كالمعتاد ، سألته ام سعاد عن عمرو و زهرة رد جمال عليها قال " هما كويسين مش بحب اضغط عليهم بالاتصال عشان الناس رايحه جاية عليهم، و انا بنام بدري والامور مش مظبطه"

سألته اخته ام سعاد باهتمام " طيب هو عامل ايه مع مراته" رد جمال و قالها " بقولك مش عارف اكلمه تقوليلي موضوع مراته"

ردت أم حسام وقالت "معك حق يا خويا الايام الاولى بالعزاء بتكون صعبه كتير، ادخل نام وريح انتوا بتصحوا بدري زينا و متنسوش بكرا هنلف علي الحج ابو صلاح والحجه الكبيرة ديه هتفرح بيكوا كتير كثير "

رد اخوها عليها وقال" إن شاء الله وكمان عايز ازور الشيخ محمد من زمان يا دنيا مشفتهوش بالقاهرة عند ابنه "

ردت أم حسام بسرعه وقالت" يوه يا حج هو انت مخبرتش انه مات "

رد جمال وقال" لا حول ولاقوة الا بالله امتى ده يا اختي انا لسه مقابل ابنه من قيمة شهرين واحنا بنصلي الجمعه وبعتله السلام معاه "

ردت عليه" ماهو توفى من قيمة شهر بالكتير "

قالت سميه " العزاء واجب لاهل بيته"

اتكلم حسام وقال " كنا عايزين نخرج بكرا ونروح متحف النوبه ونركب مركب بالنيل ونلف شوية "

بص جمال لابن اخته وقال" لا يا ابني انا مش قد لف وتنطيط خلاص هناخد زمانه وزمن غيرنا، بس لو مرات خالكم هتروح معاكم انا معنديش مانع انا هنتظركم هنا "

ردت أم سميه وقالت" لا مرات خالهم مين هو انا قد لف وتنطيط بردو "

تكلمت أم حسام وقالت" يبقي خلاص نلغي متحف النوبه وكمان منين خرجت الفكره لك هما سياح عشان يروحوا المتحف ده هم اهل البلد وراحوا زمان معنا ايام المرحوم "

كان بيفكر هيخرج من المأزق ده ازاي، انقذته هويدا وقالت" لا ازي انا عايزة اروح اتفسح وكمان ندى و اميره نفسهم يزروه عيب يوصلو حدنا من غير منوجب معاهم ونف*جهم علي اماكنا الحلوه "

ابتسم وجه حسام وهو بياكد علي كلام اخته، وقف زوج سهام وقال" وانا اسمحولي اطلع بيتي حاكم اليوم كان شديد جوي"

اتحركت سهام وره جوزها وهي بتقوله" وماله يا اخويا انت تعبان من الصبح وحقك تنام وتريح "

خرج لتخرج سهام وراه ، و من بعده قام جوز هويدا وقال ليها" يعني هو تعبان وأنا لا" ضحكت وقالت " لا انت حلال فيك السهر استني شويه كمان" حك لحيته بايده وهو بيقولها" هسقط منك والله وبعدين متجيش ورايه انا هنام لوحدي راسي مصدعه خلقه"

بصتله هويدا بنص عين وقالت" تسلم ياغالي عارفه انك عاوز راحتي مع اهل امي اطلع انت نام دلوجتي و خلي الليله تعدي علي خير ياعسلي "

ضحكت أم سعاد علي طريقه هويدا مع جوزها وقالتله " يعينك يا ابني على إلي انت فيه، دنا خفت منها والله"

رد حسنين جوزها وقال " عشان تعرفوا الي انا في"

تكلمت هويدا بغضب وقالت " وايه الي انت فيه يا حسنين"

قرب منها وقبل رأسها وهو بيقول" اقصد العسل الي انا فيه" وبص للباقيه وقال "و دلوجيت المفروض اهرب قبل ما تجلب تاني، والليله تصبح مرار، بالاذن يا خاله بالاذن منكم كلكتم"

ردت هويدا وقالت له" اصيل يا حسنين شوف بقى ايمن معك بطريقك يمكن عاوز ينام هو كمان ينوبك ثواب فيا"

ردت أم سعاد بصوت واطي لتقول " شكلها قويه علي جوزها مش زي اختها"

سمعتها أم حسام ابتسم و جهها وقالت" واي جويه شويه ويهرب منها ومن ابنها"

تحرك حسام وخرج هو كمان وراء حسنين بس مش عشان ينام و لكن عشان يريح قلبه ، فكانت عيونه بدور عليها وهو مستغرب من اختفاءها..

لاقها قاعده بره البيت بتتف*ج على ندى وهي بتلعب مع حسن ابن سهام الي كان اقرب سناً منها

قرب منها و سألها " بتعملي ايه هنا هربتي منهم وله ايه "

ابتسمت اميره وهي بتجاوب عليه " الجو هنا جميل وهادي و الخضره بليل ليها جمال مختلف"

قعد جنبها بعد ما ترك مسافه لشخصين بينهم ورد و هو بيبص على المزرعة ليقولها " عندك حق انا عرفت قيمه الهدوء ده اما سفرت عندكم الكام شهر دول "

مردتش عليه كانت بتبص علي ندى ب**ت، اتكلم تاني وهو بيقولها هو في حاجه مزعلاكي او حد ضايقك بحاجه"

بصت عليه وقالت" لا والله مفيش، ده كلهم يتمنوا لينا الرضا نرضي ده احنا تعبناهم كتير والله"

رد عليها وقال" لو متعبوش ليكم هيتعبوا لمين، هو احنا عندنا اغلى منكم"

تكلمت اميرة بصوت مضايق و متأثر بكلام عمتها وقالت " عقبال عروستك اما تتعب هي كمان لحبايبكم وقرايبكم"

استغرب ردها ابتسم لها وقال " و مين قالك اني هتعب اميرتي "

خجلت اميره من عيونه الي بتضحك لوحدها وصوته الي مليان حنان ردت بدون تركيز وتوتر لتقول " ربنا يسعدك وتلاقي بنت الحلال الي تستهلك بس بجد يا حسام حاول تختار بقلبك مش عقلك " وقتها شعرت انها عكت بالكلام سكتت وهي متلخبطه اكتر ، حاولت توضح قصدها تكلمت تاني وقالت " انا قصدي بقلبك يعني الي تريحك انت و تخاف عليك انت وتسعدك علشانك مش علشان اهلك ، وحده تفهمها وتفهمك من الطبيعي تساعد مامتك بحب ولكن ميكنش اختيارها علي مقاييس دوليه زي الاكل والغسيل والنضافه "

ضحك حسام وقال " انا كدا فهمت اكيد ماما تكلمت قدامكوا عن احلامها باختيار خدامه حياتي "

زعلت امير وقالت بعتاب " ازي تقول كدة علي الي هتتجوزها "

رد بسرعة وقالها" لا مش قصدي انا بتريق علي موصفات امي الي لا تصلح غير لشغله كويسه يكون معاها شهادة جوده من كبرات العائلات بالبلد ، بس ده مش مفهومي ولا دي طريقة تفكري لشريكة حياتي او اميرتي زي ما قولت ليكي في اول كلامي ، بس بصراحه انا اوقات بلتزم ال**ت قدام امي عشان مزعلهاش فمستحيل اقدر اقنعها بمعتقدات مختلفه عن الي اكتسبتها و عاشت بيها سنين وسنين ، يعني هي ضحية لثقافة مجتمع ظالم للمرأة القروية الي كل المفروضات عليها انه تعطي من غير مقابل ولا حقوق حتي بالكلمه الحلوه "

ردت اميرة وقالت " او تبقى كل هدفها ترضي اهل جوزها وتنال الكلمة الحلوة من الجميع وكأنها هيتعلق ليها نيشان على مجهودها الغير عادل ده "

هز راسه وقالها " مع الاسف بيبقى اوقات برضى البنت الصغيره الي كل حلمها تفرح اهلها وترفع راسهم بسمعتها و**ب رضا حماتها واهل جوزها ، بس عارفه انا اعتقد ده بسبب ان أغلب كبرى القرى عندنا اهلها بيكونوا مش متعلمين وأولادهم بنسبه كبيره بيكونوا زيهم بيهتموا بالغيط و الزراعة و تربية المواشي والبنات في البيوت تنضف وتغسل عشان كدا اقصي تفكرهم وطموحتهم الاكل والتوضيب والعمل بدون رحمه ليهم و لغيرهم "

ردت اميرة وقالت " انا مش ضد ان البنت تساعد اهل جوزها و ترضيه فيهم باهتمامها بيهم ، بس اتمنى جوزها يقدر ده و يعوضها عن تعبها بحبه و حنانه "

ضحك حسام ساخر من القدر وقال " لا مش زي ما انتي بتحلمي ده بعد كل الي بتقدمه ليهم بيروح جوزها يتجوز عليها واحده صغيره باكتر من حجه فبعد ما هلكها رماها للعيال وجاب غيرها ، والمصيبه ان الكل بيديله ألحق بده "

سكت لوهله ورجع اتكلم وهو مبتسم ليقول " بس ده زمان قوي قوي دلوقتي الدنيا تغيرت حتي في بيتنا هنا برغم شدة امي إلا ان التعليم كان عندها اهم حاجه ، وبحجة التعليم كانت تجيب بنات مستأجرين يساعدوها بخدمة البيت لانه كبير قوي عليها لوحدها "

مقتنعتش اميرة ردت وكأنها بتسخر من كلامه وقالت " الي يسمعك يقول بتتكلم عن حد تاني غير عمتو ثنية ، ديه حرمت الاجهزه الكهربائية عليها وعلى بناتها عايز ايه اكتر من كده "

ضحك وهو بيحاول يراودها بغضبها وقال لها " طب هقولك علي سر بس هيفضل بيني وبينك "

بصتله بستغراب وقالت" سر؟ "

ضحك اكتر وقال" مش سر عادي ده سر حربي كمان هههههههه، بصي هقولك انتي عارفه البت هويدا الي بتعمل بيتزا وسينابون مفيش اجمل منه عندها عجان كهربائي انا جبته ليها من سنتين بعيد ميلادها عشان ترتاح من نق امي على تعليمها للعجن ، و كمان عندها جهاز عمل الزبادي البيتي وغسالة اطباق وجهاز لفرد الفطير وغيرهم كتير ، بصراحة أنا كنت اشتريهم ليها هي وسهام عشان يرتاحوا من الشغل الكتير ده "

ردت وقالت " وعمتي عملت ايه "

ضحك وقال " مش قولتلك سر حربي ، بصي أنا كنت هكلمها وهتزعل يومين وبعدها ترجع تاني ولكنهم عايزين يفرحوها ويظهروا قصادها انهم بيعملوا اللي هي عايزه ، تصدقي دي بتفرح أوي ان سهام بتعمل عصير برتقال طبيعي كمية كبيرة في وقت قياسي ، وكمان هما مبسوطين بده و مخبينهم في غرفة للتخزين مقفولة محدش بيدخلها غيرهم "

وبنفس تعابير وجهها المندهشه قالت " ربنا يعينهم وضعهم غريب شوية وكأننا رجعنا بالزمن سنين وسنين "

رد عليها " زي ما قولت ليكي هما بس عايزين يفرحوها ويرفعوا راسها بالعيلة انتي عارفه والدي اتوفى زمان واحنا صغيرين وهي تعبت معانا كتير ومقصرتش بتعليمنا و تربيتنا ، اتقدم ليها عمي الكبير وعمي الاوسط عشان يتجوزوها ويراعونا كعرف من اعراف بلدنا ولكنها رفضت و اتحملت مسؤليتنا ب*روف كانت صعبه علي الكل عشان كده هما مش عايزين يزعلوها "

جوة البيت اختنقت ام سعاد من كلام اختها وهي بتعد ليها العرايس اللي محضراها لابنها قعدت تحكي ليها عن مواصفات كل وحدة فيهم وكأنها جهاز هتشتريه

عارضتها بأفكارها ولكن ام حسام مسمعتش ليها قامت ام سعاد وهي مش راضيه عن الكلام وقالت " أنا هروح انام قبل ما تقضي عليا أنا كمان ، بجد ولا اكننا من ام واب واحد "

وبعد ما خرجت من المجلس بصت ام حسام لبنتها هويدا وقالت " هو فين حسام يابت مش ظاهر ليه ، ليكون نام هو كمان "