رواية لم أكن أنتويه حباً فأصبح بالحلال عشقاً الجزء الثاني

الحلقة السابعة

( فَرْقٌ كبير بين أن تحبها لأنها جميلة ، وأن تكون جميلة لأنك تحبها? بالنسبة للعالم فإنك مجرد شخص، لكنك بالنسبة لمن تحب قد تكون العالم كله? أحبك ليس لما أنت عليه، ولكن لما أكون عليه عندما أكون معك?الحبّ الحقيقي هو روح واحدة تسكن جسدَيْن?أنت لا تحب شخصاً لمظهره، أو لملابسه الأنيقة، أو لسيارته الفاخرة، وإنَّما لأنَّه يغني أغنية لا أحد يسمعها سواك?وهذه اسمى معاني الحب التي تركز بالقلب ?

احبتي هذا الحب? وهذه الكلمات ?وهذه المشاعر?لا تكتمل ولا تمدك بالسعادة الحقيقية إلا بالحب الحلال الذي اوصانا الله به والذي يُتوجه الزواج ، ان كانت البداية صحيحه ستكون النهاية برضا الله وبالمودة والرحمة جميلة? وتأكدوا ان كانت البداية بزعل ربنا وفعل ما لا يرضيه ستكون النتيجة غير مرضيه لك ? فلا تننظر السعادة وربنا زعلان منك☹️

نصيحتي ديه من القلب لكل بنت بريئة جميلة نفسها تحب و تتحب، ليست أشعار ولا دروس بالمثالية ولكنها تجارب مثبته شاءت او ابيت وافقتني الرأي ام لم توافقني ، فالقصص التي تبدأ بوعود و احلام و لسعادة وقتيه لا تنتهي إلا بحزنك و**ر قلبك الصغير ?

فالله اكرمنا وحفظنا وجعلنا معززين مكرمين لهذا علينا ان نحافظ على هذه الفضائل وان لا نبيع الثمين بالبخث ، فلا يستحق احد طرف نظرتك و ضحكتك البريئة وقلبك الكبير إلا بحلال الله?

" ولا تنسوا ان الله توجنا بالحياء والاخلاق وعلينا ان نحافظ عليهم و ان لا نخدشهم لأجل من لا يستحق "?

ولا تنسوا يا جميلات انكم وصية رسول اللهﷺ لاصحابة حين قال فيما معناه" استوصوا بالنساء خير" .... و قال ايضا.." رفقاً بالقوارير "

فيا قوارير الحب و يا ورود الحياة حافظوا على أنفسكم لمن يستحقكم ?)

ابتدت الحلقة بحلمية الزيتون و الحج جمال بينادي على الأولاد وبيقول " انتوا بتصرخوا كده ليه اهدوا شوية اكلتوا راسي من الصبح "

ضحكت هويدا وهي داخله غرفتهم بصنية الشاي وقالت " سيبهم يا خال الولاد فرحانين ببعض ياخال"

رد عليها وقالها " انا لو عليا هسيبهم يا بنتي بس خايف للجيران يقوموا بثورة علينا ونقعد كلنا بالشارع، احسن حاكم الايام ديه كل واحد ماشي بدماغه "

ردت سمية بضيق وقالت" اه والله صدقت يا حج كل واحد عايز يعمل فيها بطل قومي "

اتكلمت هويدا وقالت" بطل ايه يا مرات خالي هو البطل يفرق، ده احنا حدانا بالبلد اصبح الاخوات مش بيكلموا بعض بسبب اختلاف اراءهم، ناس شايله هم الكل و ناس ض*باها ضبنجه صور على الفاضي يقولوا احنا معاكم وبنعمل لمصلحتكم و بالحقيقة بيدوس برجله على الكل اول ما يتمكن"

اتكلم من جديد جمال وقال" صدقتي يا بنتي وبين دول و دول ناس بتهيص في الهيصه يعني على حسب الهوى ما يرميهم ، الواحد بقى يتحسر على الزمن الجميل ايام ما كان الكل بيحب بعض ويخاف على بعض لا يأثر علينا سياسة و لا مصالح "

ردت سمية وقالت " لا بس ياحج البلد لسه فيها خير كتير و اولادها غلبانين والله و الدنيا جايه عليهم قوي "

كان جاي لمسامعهم من المطبخ صوت ام سعاد وهي بتقول لأميرة " طلعي ليا من الفطير الي جالكم من البلد عشان ادوقه "

ضحكت سمية وقالت لجوزها " والنبي للف باقيته وابعته معاها "?

ضحكت هويدا وقالت " والله عندك حق يا مرات خالي اخاف عليكوا لو اكلتوه يحصل ليكم حاجه ?، و ليكي عليا اعملك احلى منه قبل ما اسافر❤️ "

ردت سمية بسرعة وقالت " تعملي ايه لا انتي هنا ضيفه عندنا تتفسحي وترتاحي بس? مفيش ولا عجن ولا شغل بالبيت "

ضحكت هويدا وقالت " لا يا مرات خالي انتي فهمتيني غلط?، انا اعجن ايه هو انا بعرف اعجن ? ربنا يخليلنا العجان بتاع خالتي هو الي هيعمل ?"

دخلت ام سعاد الغرفة عليهم وهي بتقول " خيرج جايبين سيرة عجاني ليه ناويين تحلوا ريقنا بأية "?

ضحك جمال وقالهم " والله انتوا القاعدة معاكم خطر على الصحة والبشرية كمان?، ده انتوا لو بتزغطوا بط كان فطس وراح منكم??"

غمزة هويدا لخالتها وقالت"إلا قوليلي يا خالتي عجبك نوع العجان "

ردت ام سعادة " اه والله يا بنتي الله يرضى عنك فعلا سريع وسهل ، طلع الواد حسام شاطر بالأجهزة☺️ "

حاولوا يفتحوا سيرة الاجهزة و يعرفوا سمية انهم بيستخدموها بالبلد من وراه امهم ، ولكنها مقتنعتش بكلامهم وقالت لهويدا " لازم تصارحي مامتك ولازم تفهم انها غلطانه بمفاهيمها القديمة ديه هو احنا في أي زمن عايشين " ?

وافقتها ام سعاد الرأي وقالت لهويدا " شوفتي زي منا قولت ليكي ، ولازم كمان تعرف ان في ست بتيجي تمسح وتوضب وتلمع اما هي بتخرج يعني هتفضلوا لامتى بالحالة ديه "

اتن*دت هويدا وقالت " احنا بس مش عايزين نزعلها وبنفرح قوي اما ترجع وتشوف الشغلة كلها مخلصه وتقعد تدعي لينا? "

رد جمال لينصح بنت اخته " انا حاسس بيكي يا بنتي و عارف ان ثنية اختي قلبها طيب واقل حاجه بتفرحها، بس برضوا مينفعش تخدعوها بحجه رضاها عليكم? ، يعني يرضيكم عيالكم ي**عوكم بالشكل ده علماً علي زمنهم هيكون الخداع الله وحده اعلم بيه?"

دخلت اميرة الغرفة عليهم وبأيدها صنية فيها فطير وعسل و بسبوسة قربت هويدا الطاولة الصغيرة وحطتها قدام اميرة الي حطت عليها الصنية الي في ايديها وهي بتشكر بنت عمتها..

بصت ام سعاد على الصنية وقالت ليها " معملتيش حسابي بالبسبوسة ليه "

ابتسمت ميرا وقالت " لا ازاي هو انا اقدر "

وشاورت على الطبق وكملت " اهو الكبير ده مخصوص ليكي"

اخد الحج جمال من بنته الطبق وهو بيضحك على اخته وبيقول " هطتخني يا بهية و مش هتعرفي تدخلي من الباب"

خافت سمية تاكل عشان سكرها مش مظبوط اليومين دول

ردت هويدا على خالها وقالت " متخفش يا خال ديما امي تقولي انتي طالعه لخالتك ام سعاد تاكلي وتنسي ??وسهام طلعالك تاكل وتربي ??"

ضحكت سمية على كلامها وهي بتقول " يادي الفضايح يا حج سمعتك بقت مسمعه بالصعيد "

ضحك الكل على جمال وهو بيعاتب هويدا بضحك ويقولها " هي امك يا بت معلمتكيش ان نقل الكلام بيودي النار?، بس اقول ايه بقى منك لله يا ثنية جايبه ليا الكلام حتى وانتي بعيدة بس اصبروا عليا وربنا لاتصل افضحها ?"

مر الوقت بضحك و فرحه وبهجه بوجود هويدا و ام سعاد الي قعدت تلح على حسام طول اليوم انه يجي يتغدى معاهم و يفرح شوية بدل حالة القلق الي هو فيها ولكنه انشغل طول اليوم مع العمال و رفض بليل انه يمر عليهم بحجة تعبه

حتى انه اتأخر اكتر بالتجمع ولاقيته بيشتغل بايده بعد العمال ما روحوا عشان يضيع وقت و يشغل نفسه و يبطل يفكر بالخوف الي تملكه فكان كل ما يفتكر ضحكتها و براءتها وكلامها ينتابه شعور بالخوف اكتر ليخسرها ويعيش بدون سعادته الي بيحلم بيها معها....

و بعد منتصف الليل رجع البيت وهو متخيل يلاقي خالته ومعها اخته زي ما اتفقوا ولكنه اتفاجأ انهم كلهم مش موجودين...

ابتسم بوجهه المتعب المرهق وقال لنفسه " دول ناوين يخربوا الجوازه مش يتموها، يلاه الي فيه الخير يقدمه ربنا "

بالوقت ده كان جمال حكى لسمية الي حصل بين عمرو وحسام وان الواد فتح الموضوع تاني وعايز فرصه ليثبت حسن نيته..

ردت سمية وقالت له " شوفت ده الي قولتلك عليه ومصدقتش، وهويدا هي كمان جايه عشان كدة بس انا قولت كلمتي الجوازه ديه مستحيل اوافق عليها ده نار احمد السئيل و لا نار اختك و بهدلة بنتي"

طلع على سريره ورفع الغطى عليه وهو بيديها ضهره وبيقول " طيب نامي دلوقتي والي فيه الخير يقدمه ربنا "

ردت بسرعة عليه وقالت " لا يا جمال انت عارف انه مفيش خير هيجي من وره الجوازه ديه ومش بعيد نخسر اختك كمان "

اتكلم بضيق وقال" قولتلك خلاص ياسمية الصباح رباح ، ياريتني فضلت نايم خليتيني اندم اني قمت للحمام"

اتن*دت وقالت" نام ياحج نام ما هو الي يقول الحق بالزمن ده مبيتسمعش"

..............

و بيوم جديد بالجامعة و مع بدأ امتحانات اخر العام الدراسي كانت زينة بتتكلم مع ادم وبتشكي ليه من كريم وانه اصبح متغير ومش بيحبها زي الاول اتهرب منها ادم و قالها " انا مليش دخل بالي بينكم من الاول وانا بعيد و حزتكم ان الي بتعملوه غلط وزيادة بس انتوا مسمعتوش خروج وسهر و احضان و اهمال للجامعة "

اضيقت زينة من كلامه ردت عليه بستخفاف و ندم لتقول " اووووف، زهقت من محاضراتك ديه وكأنك من البيت للجامع ومن الجامع للبيت و كأن أماني بتخرج و تتكلم مع حد تاني "

بصلها من فوق لتحت وقالها" خروج عن خروج يفرق "

دخل كريم للجامعة بعربيته الخاصة وبجانبه قاعده بنوته جميله ب*عرها..

انصدمت زينه بصت لادم وسألته عن البنت الي جنب كريم مين رد عليها و قالها" مش هيفرق الاسم ، موديل جديد لحقبه جديدة، ده كل الي في الصوره "...

ردت بضيق وقالته "بس انا مش زي غيري ومسمحش ليه يعمل فيا ده"

واتحركت لتقف قدام العربية الي كان فيها كريم بيبص للبنوته الجميلة وبيقولها " خلينا نروح مكان تاني وابقى اف*جك علي الجامعه بوقت غير ، وكمان انتي مستعجله عليها ليه ، قدامنا سنتين لحد ما نتلقي فيها معانا وبعدين انا وعدتك استناكي "

بصت البنوته على زينة من فوق لتحت وهي بتسأله " أكيد ديه زينة الي حكيت ليا عنها" بص لزينه وهي بتشاور له ينزل يكلمها ولف العربية بحركة سريعة وخرج من الجامعة بدون اي اعتبار لا ليها ولا للامتحانات..

فقط كان بيرد بدلع على الموديل الجديد وقالها" مش قولتلك قبلك كله عذاب وق*ف"

..............

ببيت الحلمية كان عمرو وزهرة جم ببيت الحج جمال بدري عشان يلحقوا لمة الفطار وخاصه ان النهاردة الجمعة واجازة للكل..

بالمطبخ سألتها زهرة بصوت واطي عن حسام ، ارتبكت ميرا من سؤالها بلعت ريقها وقالت ليها " معرفش حاجه من يوم العزومه عندكم وانا مشفتهوش" ?

قربت اكتر و هي بتلتفت للباب و سألتها "يعني ايه متعرفيش حاجه عنه، هو انتوا مش بتتكلموا في التليفون " ☺️

ظهر على وجه ميرا تعابير الاستنكار وهي بترد وتنفي ان في بينهم اتصال او اي حاجه من الكلام ده ?

اتكلمت زهرة تاني وهي مبتسمه وبتقول " مش قاصدي اصل الي يشوف عريسك وهو غرقان لشوشته كده يقول ان بينكم قصة كبيرة وكلام و دواوين شعر "

خجلت ميرا من كلامها، كملت صب الشاي بسرعة و تحركت وهي بتقول فقط " اتأخرنا عليهم يلاه عشان يفطروا " وخرجت بدون ما ترد عليها بخصوص الي قالته ☺️

اتجمعوا على الفطار و هما بيحكوا و يضحكوا و يعزموا على بعض بالطعمية و المخللات الجميلة بتاعت سمية الي كانت بتراقب بنتها طول الفطار وخاصه اما كانت تيجي سيرة حسام وترتبك و تسرع بأكلها☺️..

زعلت و ضعفت قدام مشاعر بنتها و فرحتها وكمان قدام حب هويدا و رغبة الكل باتمام الفرحة ديه ..

كانت بصراع وخوف كبير جوه نفسها،

اتفاجأت ام سعاد بيها وهي بتقول لها " إلا قوليلي يا بهيه هو حسام مش بيجي زي الاول عندنا ليه ؟، وكمان انتي مش بالبيت بياكل وبيشرب فين "

فرحت بهيه ولكنها ماظهرتش فرحتها قدامها ردت عليها وقالت " تصدقي معرفش اتلهيت مع البت هويدا الرغايه و بنسى اسأله كل ما اقوله تعالى يقولي عندي شغل و اما ارجع هكلمك ولا بيرجع يتكلم ولا حاجه "

فكرت سمية شوية وقالت "بس النهاردة اجازة ومفيش شغل اتصلي بيه وقوليله يجي يتغدى معانا، مفروض يعرف ان رفضنا او قبولنا ليه ميعنيش اننا هنقاطع بعض بالأخير احنا اهل " ?

ردت بهيه بسرعه وقالت " مقاطعة ايه الي بتقولي عليها يا سمية حسام عقله اكبر من كدة ، هو أكيد عشان الشغل بس ولكني هتصل بيه واقوله مرات خالك بتشدد عليك تيجي على الغدى "?

فرحت اميرة كتير اما سمعت عمتها بتكلم حسام وبتشدد عليه انه لازم يجي و ان مرات خاله هتزعل منه لو مجاش ?

طبعا حسام كان منتظر اللحظة ديه عشان يطير عليهم حتى انهم تفاجأوا بيه قصادهم بعد مكالمة خالته بدقايق قليله ☺️وكأنه كان منتظر الاشارة منها ليركب عربيته ويطير عليهم ☺️

كان قاعد معاهم فرحان والضحكة مش بتروح من على وجهه وخاصه وهو بيتكلم مع خاله والام سمية..

طلبت هويدا من اخوها يفسحها بالقاهرة وبرغم انه مكنش قادر يرفع عينه عليها وهي قدامه الا ان فرحته بانها قاعده قصاده خليته ما يركزش في طلب اخته منه وكلامها له☺️

كررت هويدا طلبها وهي بتقوله"هااااااا نحن هنا بقولك عايزه اتفسح شوية والف اجيب شوية طلبات لامك و سهام قبل ما ارجع البلد"

انتبه ليها بلع ريقة و سألها " هو سيد راجع امتى؟"

ردت وقالت " مش تقلق خالص، انا لسه قاعده على قلبك و مش هتخلص مني بسهوله" ضحك الكل على هويدا و طريقتها الجميلة وهي بتناقر اخوها وبتضغط عليه قدامهم.. ?

اتكلم جمال وقال لحسام" ده حقها علينا يا ابني لاما تاخدها انت لاما هخلي عمرو وزهره ياخدوها يفسحوها ".

رد حسام علي خاله بسرعة وقاله " انا مش معارض بس النهاردة الجمعة واكيد الكل قافل "

ردت زهرة عليه " لا ده كان زمان دلوقتي بيفتحوا كل الايام بدون إجازات"

اتكلم جمال مرة تانية وقال" حتى ولو في محلات قفله خليها تنزل تلف وتغير جو النهاردة وبكرا او بعده تروح تشتري طلباتها"

هز راسه وهو بيرد ويقول" الي تامر بيه يا خالي " وبص لأخته وقالها " حضري نفسك لنخرج "☺️

اتكلم جمال و قال " تسلم يا ابني ، وانت يا عمرو خد مراتك و روح معاهم عشان نضمن ان الواد ده هيفسح اخته مش هيضحك عليها و يقضوها مناقره "?

ضحكت زهرة و اعتذرت انها لازم تروح لأهلها هي و عمرو و بصت لأميرة وقالت " خلي اميرة تروح معاها اهي فرصه تغير جو هي كمان و لو تحب تاخد ندى مع الاولاد "

استغرب عمرو من كلام زهره قاطعها بنظراته القوية ليها ، **ت الكل لدقايق اتكلمت بعدها ام سعاد وقالت " وانا كمان هروح معاهم خلونا نلف بالعربية ونغير جو"

وافق الحج جمال انهم ياخدوا ميرا معاهم، وبموفقته ديه اتولدت اجمل فسحة واجمل فرحه واجمل خروجه للمحبين ?

كان طاير من فرحته عينيه بتقفل لوحدها من كتر ضحكها لدرجة مش قادر يشوف بيها ولا يركز مع خالته واخته الي قاعدة تقول له " اشتري لينا درة مشوي يا حسام ، عايزه ادوق الحلبسه يا حسام، نزلنا نتصور هنا يا حسام " ?

طلبت هويدا يروحوا النافوره الراقصه كايروا فيستيفال، انصدم حسام من طلبها وقالها " استهدي يا هويدا احنا فين و فيستيفال فين"

ردت ميرا وقالت " لو قولتي بدري كنا روحنا ديه جميلة قوي روحنا ليها مع عمرو اول ما تعملت وانبسطنا جدا وقعدنا نتصور معاها و ملينا موبيلاتنا فيديوهات يومها"

كان بيبص عليها وهي بتتكلم بحماس ، عجبت الفكرة ام سعاد وطلبت من حسام يوديها تشوف النفورة على الطبيعة

ضحك وهو بيبص لأميرة وبيقولها" كدة دبستيني معاهم، كان لازم تحكي ليهم? "

خجلت وقالت " بصراحه انا نفسي تتفسح وتنبسط عندنا زي ما احنا انبسطنا عندكم "

أكدت بهيه على كلامها وقالت ايوة لازم نبسطها وننبسط " وغمزة لهويدا وكملت" بس الواد حسام عنده حق مش هنلحق نروح وننبسط خلينا مكملين بوسط البلد نجيب طلباتنا و بكرا اتفق مع عمرو ونخرج كلنا مع بعض من بدري??"

رد على خالته وقالها " عمرو وراه شغل ربنا يعينه، تمام انا هظبتها و ارجع بدري من الشغل و نروح سوى " ☺️

كانت بتبص ليه من مراية العربيه وبتغيظه ضحكت اميرة وقالت لها " براحه احسن يغير رأيه "?

ضحكت هويدا وقالت بثقه " يغير رأيه ايه وانتي معانا "☺️?

خجلت اميرة بدون ما ترد ، سكت الكل وهو بيبص على بعض بعيون فرحانه فحتى هو كان مبسوط بالتدبيس ده وكان نفسه يفضل طول العمر مدبس كده معاها وجنبها...

اتاخروا برجعتهم حتى كادوا ميرجعوش، من خجلها كانت تبعد عنه ومتسمحش بأي فرصه تجمعهم مع بعض لوحدهم ☺️ولكنها فشلت قدام محاولات عمتها وهويدا الي كانوا يسيبوهم قاعدين مع الاولاد بالعربية لحد ما ينزلوا هما يشتروا الطلبات من المحلات و المولات التجارية ..

ناموا الاولاد جنبها وهنا لاقى فرصه يدير ضهره و يكلمها بكل صراحه وهو بيقولها " كفياكي هروب بقى☺️ يعني مش كفايه اني بتلخبط ومش بعرف اتكلم وانتي قصادي☺️ لا وكمان بتهربي عشان تاخدي الكلام كله معاكي☺️"

خجلت منه بصت على الاولاد عشان تتأكد انهم نايمين وله لا، كمل كلامه وقالها بسرعة" هو انا اتجننت عشان اتكلم وهما صاحين ده كان الواد ايمن نزلها بنشرة اخبار البلد?? "

ضحكت من كلامة ، ليقول ليها " انا متأمل خير? اول مرة اكون مطمن بالشكل ده? حاسس ان مرات خالي كانت راضيه عني النهاردة ?"

بصت عليه بعيونها الجميلة وقالت " ما بلاش الثقه الزياده ديه احسن تزعل بعدين ☺️"

قلق وسألها بسرعه عن رأي مامتها هل زي ما هو وله أتغير شوية ، رفعت كتفها بخجل ودلع وقالت " معرفش بس لحد دلوقتي محدش سألني عن رأي ، عشان كدة بقولك متثقش للدرجة دية☺️ "

( ديه ناوية تطير الحته الصغيرة الباقية بعقل الواد ??)

اتحرك اكتر على مقعده لدرجة انه قرب يقعد فوقه وهو بيبص عليها ويقولها " مش فاهم?، اااقصد اني مش فاهم?، طب و ربنا مافهمت ?"

ضحكت قوي على كلامه وحالته لدرجة دمعت عينها و خرج صوت ضحكتها، كرر كلامه لتزيد من ضحكها عليه وهي حاطه ايدها على بقها وهي بتسمعه بيقول بالصعيدي " انتي صدجتي وله اييه، لا احنا جامدين جوي جوي " وخرج صوت ضحكهم من العربيه اكتر اما رجع يتكلم مصري تاني ويقول" بصي ما هي ضاعت الهيبه خلاص ولازم تفهميني " ?

رجعت هويدا هي وخالتها ولكنهم مقربوش اما شافوا حالة حسام الي طالع فوق الكرسي و اتبقى القليل ليقعد وره على رجلها بدل ندى. ☺️

اتحركوا ليكملوا تسوقهم بمحل خارج المول ، بصت عليه وقالت له " قعد كويس الناس بتبص عليك ولو جت عمتي و هويدا مش هنخلص من كلامهم " ☺️

اتكلم من جديد وهو بيقولها " مش راجع قبل ما تقولي ليا ايه قصدك بانك مقولتيش رأيك ، بصي أحب اطمنك انا بعرف اغسل و انضف و اكوي و اعمل اكل كويس قوي حتى تقدري تختبريني صح وكمان اعجبك جدا بغسل السجاد "

من جديد مقدرتش تمسك ضحكتها الي رنت بالعربيه وهي بتقول له " منا عارفه وخصوصا بالمطبخ شوفت بعيني محدش قالي "

رد عليها بضحك يشبه فرحتها وجمال حديثهم ليقول " لعلمك اليوتيوب مسبش حاجه للغلابه الي زي غير شرحها ، مش العرايس بيتجوزوا وهما مش متعلمين حاجه وبعد كام شهر بيبقوا اساتذه، وانا هعمل كدة"

قالته وهي حاطه ايدها على بقها من كتر الضحك " امك لو سمعت كلامك ده هتض*بك بالنار ??"

رد بسرعه بعد ما رنت ضحكته العاليه بالعربيه وقال " وقتها هكون مبسوط لأني مش هكون لوحدي اصلك هينوبك من الحب طلقه ?مش معقول بعد الكلام ده تسيب حد فينا عايش? "

فصلت من ضحكها لدرجة بطنها وجعها وقعدة تتحايل عليه يبطل ?

وبعيون بتنشر الحب والسعادة? بكل مكان اتكلم وقالها " حتى ولو مقولتهاش بل**نك قلبك وعينك قالها ليا اكتر من مرة? ، وانا عشانهم هعمل المستحيل لتكوني من حظي ونصيبي?"

خجلت منه ليكمل هو " انا صبرت خمس سنين وانا بحلم باليوم الي اقف قدام خالي واكون بالقدر الي يستاهلك ☺️بصراحة توقعت اني باللحظة ديه هكون اكتر صبر ولكني بجد صبري نفذ و بقيت بحلم باليوم الي يجمعنا سوا بحلمنا الجميل☺️ "

ردت بقلق وقالت " انا مش عايزاك تزعل يعني محدش يعرف النصيب فين افرض اني مش من نصيبك هتعمل ايه وقتها " ☹️

قطاعها وقالها " ارجوكي متكمليش ☹️سبيني بحلمي الجميل وانا واثق ان ربنا مش هيظلمني ولا خالي كمان هيظلمني ?، دنا بدعي كل يوم بصلاة الفجر ان ربنا يكرمني وتكوني من نصيبي بأقرب وقت?? "

ردت بدون ما تاخد بالها وقالت" امين ☺️"

ليرد قلبه ويقولها " انا فرحان? ، انا فرحان لدرجة اني عايز اصرخ واقول انا فرحان?? "

حذرته بسرعة وقالت " اوعى يا حسام والله ازعل منك و اقطعك "?

ضحك وقالها " طب ولو حسام نفسه يتقطع على ايدك هتعملي ايه "??

( ايه الهنا الي انا فيه ده ?ياللهوي و كمان ياللهوي ?البنات غرقوا حرام عليكووو دا احنا بأيام مفترجه ?)

نزل زجاج العربية واتعدل ليكون قدامه عشان يصرخ بفرحته قدام العالم كله ?

علت صوتها وهي بتحذره وبتقوله " لا يا حسام اوعى، والله لو عملتها مش هكلمك وهزعل منك بجد "

رجع قفل الزجاج وبص عليها وقال " و حسام ميهنش عليه زعلك ?، تعرفي يا اميرة اني بقيت احب اسمي قوي ? حتى هسمي ابني على نفس اسمي? عشان اقعد اسمعه منك اكتر من مرة? بس وقتها مش هقبل ابني يتوبخ يعني تضايقي مني وتخرجيه على الغلبان ???"

ضحكت على كلامه وقالت له " لا انا مش بحب كده☺️ ، حرام عليك ده الواد يتلخبط انادي عليك يجاوب هو و انادي عليه انت تجاوب ☺️، دنا كده انا هتجنن وسطتكم?، بس تصدق عجبتني فكرة اني اطلع الي نفسي فيه وقت منا عايزه بدون قلق??وخصوصاً وقت عصبيتك? "

( الصلاة على النبي ﷺ ، كدة الولاد متفقين على الخناق قبل الاتفاق على الخطوبة اصلا ??احنا ناس مش بضيع وقت)

لمعت عيونه وهو طاير من فرحته وقال لها" طلعي الي انتي عايزه على حسام وابن حسام عيلة حسام?، عارفة حاسس وكأني بحلم من احلامي? ، انا لو مت دلوقتي هكون راضي ومرتاح? "

بخجل ردت وقالت " بعد الشر عليك ☺️"

مسح وجهه المتعرق وقال " لا كده كتير عليا وربنا كتير انا لو ما صرختش من فرحتي هفرقع ، يرضيكي افرقع واموت ضاحية كتمة فرحتي ☺️?"

ضحكت بخجل وبصت ناحية المحلات لتتفاجأ وتتسع عيونها?،اتخض من نظرتها التفت وبص مكان ما هي باصه ليلاقي خالته و اخته قاعدين على درج المحل حاضنين الشنط وهما بيبصوا عليهم ☺️ بعد ما المحلات قفلت والانور اتخفضت و الناس روحوا بيتهم الا القليل.. ☺️

رفع ايده ليشاور لأخته وهو بيقول لروح قلبه و فرحته وحياته " مش لو كنتي سبتيني اصرخ كان وضعنا هيكون احسن دلوقتي ?على الاقل كنا انتبهنا ان المحلات قفلت??"

بلعت ريقها وقالت له " ياللهوي انا حاسة انه هيغمى عليا دلوقتي، ازاي مخدتش بالي "

حك دقنه وهو لسه بيبص على خالته و هويدا الي قربوا من العربية وقالها " يغمى عليكي ايه? ، متفقناش على كده?مينفعش تسبيني انا ادبس لوحدي ?"

( لا اثبت يا وحش امال فين الي كان هياخد طلقه وهو مبسوط??)

انتظرونا بحلقة جديدة من الحلقات الاخيرة من? ورد الجناين ?

بقلم :أمل محمد