9

1572 Words

احمد رجع من برة عالساعة 10 وحس ان البيت هادي فقال انه يبقي يكلم حياة الصبح عشان ممكن تكون نايمة وراح عشان ينام وكان معدي من قدام اوضة حياة سمع صوتها بتعيط ان هيخبط عالباب بس شال ايده وقرر انه ميخبطش وبعدين وقف شوية ممكن يسمعها بتقول حاجة او كده بس كانت بتعيط بس فمشي ودخل اوضته وهو مصدوم ----------------------------------------------------------------- بعد يومين احمد وعاصم قاعدين في كافية عاصم: يعني بقالك اسبوع دلوقتي متجوزها مشوفتهاش ولا مرة من بعد ما كلمتها في موضوع انك مبتحبهاش ومكلمتكش ولا مرة وبقالك 4 ايام بترجع من برة بالليل تلاقيها بتعيط مفيش غير انها زعلت من موضع انك مبتحبهاش ده احمد بعصبية شديدة: تعرفني منين هي عشان تزعل عليا كده انا مش فاهم عاصم: اهدي يا احمد بلاش جنان وبعدين وطي صوتك الناس بتبص علينا احمد بعصبية بيحاول يتحكم فيها: طب اعمل ايه انا دلوقتي عايز افهم هي عايزة مني ايه .. انت مش كنت بتقولي حبها وقرف انا بكرهها عاصم: احمد حرام عليك انت عارف هي عندها كام سنة دي عندها 17 سنة متخيل يعني طفلة انت من امتي قاسي كده احمد: انت ليه محسسني اني عندي 50 سنة مانا عندي 19 سنة عاصم: بس انت طول عمرك راجلومتحمل المسؤلية حتي لما باباك الله يرحمه كان عايش اما هي اولا صغيرة ثانيا البنت الوحيده ثالثا الصغير يعني كل المقاييس بتقول انها كانت دلوعة وعمرها ما اتحملت المسؤلية يعني اتصدمت جدا لما انت قولتلها انك مبتحبهاش احمد: يعني عايز تفهمني انها وافقت عليا بارادتها ... طب عرفتني منين عاصم: ممكن تكون وافقت عشان طنط سعاد احمد: ماهو ده سبب يخليها تفرح اني مبحبهاش لانها لو اتجوزتني عشان ماما يبقي مبتحبنيش عاصم بحيرة: مش عارف في حاجة مش قادر افهمهها حياتها فيها لغز كبير احمد:طب اعمل ايه دلوقتي عاصم: انت بتقول انك مكلمتهاش ولا هي خرجتلك من يوم ما اتجوزتوا احمد: اه عاصم: طب تعالي نروح البيت دلوقتي وانت تقولها اني عايز اسلم عليها وبتاع واهو حتي تتكلم معانا نقولها مالك اي حاجة وممكن نفهم حاجة احمد بتفكير: طب ولو مرضيتش تخرج عاصم: يا عم تعالي بس ولو مخرجتش يبقي يحلها حلال ---------------------------------------------------------------- احمد وعاصم راحوا بيت احمد وعاصم قعد في الصالة واحمد راح خبط عالباب ومسمعش اي صوت ولا حد رد فبص لعاصم وقاله: مبتردش فعاصم قام وقف جمبه قاله: خبط تاني احمد خبط فمحدش رد فقال:ممكن تكون في الحمام ومش سامعه وعدبن قرب شوية من الباب وبعدين قال: مفيش صوت ولا اي حاجة عاصم:ممكن تكون نايمة هي الساعة كام احمد بص في الساعة الي في ايده وقال: 1ونص عاصم: ممكن تكون نايمة عادي كل الناس بتنناام الظهر احمد بقلق : لا انا هخبط تاني وخبط اجمد عاصم بقلق : كده لو نايمة هتصحي : افتح كده بالراحة شوفها احمد: هتلاقيها قافلة بالمفتاح عاصم: جرب بس انت خسران ايه احمد فتح لقي الباب بيفتح معاه بص لعاصم باستغراب وقال: دي مش قافلة بالمفتاح وبعدين فتح حته صغيرة ومن غير ما يبص قال : احم .. ااا حياة ...حياة عاصم: افتح يا احمد شوف في ايه احمد فتح ملقاش حد في الاوضة احمد بعصبية: معقول تكون خرجت ااي تخرج من غير ما تقولي ده ايه قله الادب دي عاصم دخل واحمد دخل واه وخبط علي باب الحمام الي نوره كان مطفي اصلا فمحدش رد احمد بعصبية : خرجت قلتلك عاصم : طب تعالي نخرج نكلم طنط سعاد ناخد منها رقمها وهم بيلفوا عشان يخرجوا من الاوضة احمد لقي حياة واقعة في الارض جمب السرير من الناحية التانية راح جري بسرعة وقال: ايييييييييه ده عاصم: شيلها بسرعة عقبال ما اكلم دكتور يلااااا اتحرررررك احمد شال حياة حطها عالسرير وفضل باصصلها وحاسس بالذنب انه شك انها خرجت وشتمها وانه حاسس انه السبب في الي هي فيه بس محتار ليه هي بتعمل كده رغم انها مبتحبوش ----------------------------------------------------------------- بعد شوية جيه الدكتور وقالهم ان حياة لازم تروح مستشفي وبعد ماراحت اتعلقلها محاليل ----------------------------------------------------------------- احمد وعاصم واقفين مع الدكتور الدكتور : جسمها ضعيف جدا ومبتاكلش حضرتك ازاي سايها كده دي ممكن تموت فيها .. عموما انا هكتبلها علي شوية ادوية وهي انشاء الله هتبقي كويسة احمد: بس حضرتك موضوع الغذاء ده والاكل وكده صعب شوية الدكتور: انا هتكلم معاها وانت حاول برضو معاها .. هي مش هينفع تخرج انهرده وانشاء الله تخرج معاكوا بكرة عاصم :طيب هتعمل ايه احمد: مش عارف ... انا مش عارف هي بتعمل في نفسها كده ليه بس انا تعبت والله وحاسس بالذنب اوي وفي نفس الوقت مش عارف ايه الذنب الي عملته انا محبتش اظلمها معايا عاصم: اهدي يا احمد بس كده وحاول تتكلم معاها لما ترجعوا او حاول تقرب منها شوية تخليها تخرج من الاوضة وتقعدوا تتكلموا كده يعني وعموما لما تروحوا ابقي قولها تيجوا تحضروا خطوبتي وكتب كتابي انا وهدي وابقي اديها انت الاكل بنفسك احمد وهو بيقعد بحزن:ماشي عاصم:المهم هتروح ولا هتعمل ايه احمد: تعالي ندخل نشوفها الاول عاصم :ماشي ودخلوا ولقا حياة نايمة عاصم بهمس :طب تعالي نخرج ونبقي نجيلها تاني احمد: لا لو فاقت مش هتبقي عارفة هي فين وبعدين راح جاب كرسي وقعد جمب السرير وبعدين فضل باصص لحياة شوية وبعدين خط ايده علي ايديها ومسك ايدها لقاها بدات تتحرك فساب ايدها بسرعة وبعدين هي فتحيت عينها بتعب وبعدين صت بخضة حواليها احمد: متخافيش حياة لما لقت احمد وعاصم اتطمنت شوية وبعدين قالت بتعب : هو انا فين وحصلي ايه احمد بصلها بصدمة وعاصم قال: احمد لقاقي مغمي عليكي في اوضتك فجابك هنا .. حمدالله علي سلامتك حياة بابتسامة: الله يسلمك..طب هو احنا ممكن نروح دلوقتي احمد باصصلها وهو لسة مصدوم حياة خافت من بصته وعاصم قال: ايه يا احمد في ايه احمد:انتي اتكلمتي معايا قبل لكده حياة باستغراب: لا احمد: متاكده حياة: اه عاصم قال احمد تعالي نروح نجيب عصير ... بعد اذنك يا حياة هنجيب عصير ونيجي حياة ابتسمت بمعني ماشي وعاصم شد احمد الي كان لسة باصص لحياة بصدمة وخرجوا قدام الاوضة عاصم: ايه يا ابني مالك بصتلها كده ليه احمد : انا متاكد اني سمعت صوتها قبل كده مع اننا عمرنا ما اتكلمنا عاصم: عادي انت ممكن تكن اتخيلت صوتها من شكلها ..وحتي لو مش كده ابقي فكر بعدين لكن متخضهاش كده انت شايف هي تعبانة ازي هي اه فاقت بس شكلها تعبانه جدا انت مش شايفها عاملة ازاي احمد بشرود: ماشي ماشي عاصم: ادخلها بقي وانا هروح اجيب عصير احمد دخل من غير ما يتكلم وقعد حياة : مش انتو روحتوا تجيبوا عصير احمد: ما عاصم راح وانا هستني معاكي هنا حياة ب**وف : شكرا بجد وانا اسفة اوي اني تعبتكوا معايا احمد بصلها شوية وبعدين ابتسم وقال: لا عادي تعبك راحة عاصم جيه وجاب عصير لحياة واداهولها حياه: لا شكرا مش عايزة احمد: لالا هتشربيه حياه:لـ.. احمد::مفيش نقاش هتشربيه يعني هتشربيه وفضلوا يتناقشوا شوية وبعدين حياة استسلمت ووافقت انها تشربة حياة: طيب هو احنا هنمشي امتي احمد: لا الدكتور قال انك مش هينفع تمشي انهرده هتباتي هنا انهردة وتمشي بكره حياة بفزع: لالا لوحدي مش هينفع لالا انا بخاف لالا اروجوك عايزة اروح وقوله هخلي بالي من نفسي احمد وعاصم بصوا لبعض باستغراب وبعدين احمد مسك ايد حياة وقال: اهدي اهدي متخافيش انا هبات معاكي عالكنبة دي حياة بدات تهدي شوية وقالت: ب ب ب بجد احمد: اه متخافيش حياة سابت ايده وقعدت تعيط احمد وعاصم اتخضوا واحمد قال: في ايه بتعيطي ليه حياة بعياط : انا اسفة اوي اني تعبتكوا انا دايما حمل عالي حوليا انا وحشة اوي احمد بصلها بحزن ومسك ايدها وطبطب عليها وقالها بحنان: ايه الي بتقوليه ده انتي طيبة جدا وانا فرحت اننا اتكلمنا مع بعض حتي لو في المستشفي متخافيش بقي حياة بابتسامة فرحة: بجد احمد : اه والله حياة بفرحة: شكرا شكرا اوي بجد ----------------------------------------------------------------- تاني يوم رجعوا البيت وحياة دخلت اوضتها وبعدين لقت الباب بيخبط ففتحت واحمد قال: يلا تعالي عشان ناكل عاصم جابلنا اكل.. وصدقيني الموضوع ده غير قابل للنقاش حياة :بس انا مش جعانة احمد: يلا مانا قلت غير قابل للنقاش حياة ضحكت علي طريقته وراحت وقعدوا عالسفرة وبداو ياكلوا احمد:اااه حيا انا ممكن اقولك حاجة حياة :اه طبعا اتفضل احمد : انتي عارفة عاصم صاحبي طبعا هو خاطب يعتبر يعني بس الخطوبة رسمي ومعاها كتب كتابهم هتتعمل الخميس الجاي يعنب باقي اسبوع تقربيا فلو ممكن تيجي معايا يبقي حلو جدا حياة باستغراب :اجي ليه هو انت ممكن تحتاج مني حاجة هناك احمد باستغراب :احتاج حاجة ده فرح يعني عادي انك تيجي بس لو مش عايزة تيجي ممكن متجيش بس صدقيني عتتبسطي جدا وخصوصا ان بقالك كتير جدا مخرجتيش حياة بصتله باستغراب شديد: انت عايزيني اروح عشان افرح مش عشان انت محتاج حاجة احمد باستغراب : يعني ايه محتاج حاجة مش فاهم ... بس مش مهم انتي عايزة تيجي حياة بفرحة : اه ماشي احمد: طيب شوفي فستان سواريه كده حلو وتروحي بيه حياة باستغراب :اممم معلش بس هو يعني ايه فستان سراوية ...قصدي سوارية احمد: انتي بتزري حياة: لا بس بجد انا معرفش .. ليه هو حاجة مشهورة احمد: هو انتي بتروحي الافراح بايه حياه: انا عمري ما رحت فرح غير فرحنا بس احمد بدهشة: ايه..انتي اخواتك متجوزين ازاي مروحتيش فرح قبل كده حياة: لا مانا مروحتش فرحهم احمد فضل مصدوم شوية وبعدين عمل انه عادي عشان ميحرجهاش وقال: طيب بصي ده فستان بيتراح بيه الافراح ايه رايك ننزل انهرده نجيب واحد ونشوف كده ايه رايك حياة: ماشي ننزل امتي احمد:ننزل علي 8 كده مثلا ...ايه رايك ناخد هدي وعاصم معانا حياة: لا حرام فرحهم الاسبع الجاي خلاص مش مهم ننل احمد: هههههه اولا دي خطوبة يعني تحضيراتها بسيطة ثانيا لسة كتير وبعدين انا مش هاخدهم بالاجبار يعني دول حتي هيفرحوا معانا حياة بابتسامة:ماشي احمد:خلاص ماشي ... ايه ده انتي مكلتيش اه يا ... انا اتضحك عليا خلاص ..كلي كلي حياة بضحك:ههههههههه ماشي ----------------------------------------------------------------- في بيت هدي عاصم راحلها وكان قاعد معاها هدي : يا عيني يعني اغمي عليها من قلة الاكل عاصم:: المهم سيبك انتي من كل ده وركزي في الي قولتلك عليه ماشي انا قلت لعمو اننا هنخرج انهرده وهو قالي ماشي هدي:ماشي

Free reading for new users

Scan code to download app

App Store Google Play

Facebookexpand_more