LINGGO, araw ng kasal. Alas-singko ng hapon ang kasal sa St. Antonio de Padua Church, ilang kilometro ang layo sa bahay nila. Alas-dos ay inaayusan na si Alpha ng pinsan niyang beautician na si Mimay. Nakahanda na ang lahat ng gagamitin sa kasal at ang mga abay naman, maging ang kaniyang mga magulang at dalawang kapatid ay inaayusan na rin ng mga kasama ni Mimay.
Okay na sana lahat, maliban sa presensiya ni Hunter. Nang umagang iyon ay tumawag raw ito, sabi ng mama niya. Ibinigay ang detalye ng simbahan at reception, at sinabing sa simbahan na ito didiretso. Hindi man lang nito naisipang kumustahin siya o ano, pero sapat na iyon para sa kaniya. Ang mahalaga ay may assurance na siya, kahit paano, na wala itong planong hindi sumipot. Maghapon nang tila may naghahabulang mga kabayo sa dibdib
