KINABUKASAN ay tanghali na nang lumabas ng silid si Alpha. Sinadya niyang magpatanghali para hindi makita ng mga kapatid pero sa malas ay naroon ang mga ito sa sala. Mukhang walang planong pumasok sa trabaho tulad niya. Ang Kuya Marlon niya ay isang empleyado ng bangko, habang ang Diko Melvin naman niya ay nasa buy and sell.
“Bakit hindi ka pumasok sa school? Start na ba ng leave mo ngayon?” bungad ng ama na kasalukuyang nagkakape. May hawak itong tabloid at isinasabay ang pagbabasa sa pagkain ng pandesal. Ang mama naman niya ay nakaupo sa tapat nito at nagpupunas ng mga kasangkapan.
“Ayos na ba ang lahat tungkol sa kasal niyo ni Hunter? Kumusta ang mga abay, nakuha na ba ang mga damit nila sa patahian?”
Sumabad ang mama niya at siyang sumagot sa tanong na iyon ng kaniyang ama. “Okay na
