“WHAT were you thinking? Fiona is just a friend.”
Iyon ang paliwanag ni Hunter nang makalabas ng silid. Lumakad ito palapit sa bintana ng pasilyo at nakangiting bumaling sa kanya na tila ba pinagtatawanan siya sa maling akala niya.
“Friend? Ganoon ka bang makipagkaibigan? Halik ka nang halik; hipo ka nang hipo sa braso niya?” nakasimangot na sagot niya. Naiinis siya dahil may pakiramdam siyang naisahan na naman siya ng binata.
Matunog na tawa ang isinagot ni Hunter bago ito muling nagsalita. “Hey! Walang malisya ang halik sa buhok. Ikaw ha, polluted pala ang utak mo, Teacher Alpha.”
“Tse! Ako pa ngayon ang polluted ang utak! Ang yabang-yabang mo!” Pinaghahampas niya ito sa braso nang buong panggigigil dala ng matinding inis at pagkapahiya. At hindi niya inaasahang dala ng pagwawala ay
