Buong misa yata akong nakangiti hanggang sa makalabas na kami ng simbahan. Sinong hindi matutuwa sa batang ito? Ni hindi ko inakala na paiiyakin niya ako nang ganoon. Tipong hirap na hirap na ako sa buhay na ‘to at hindi alam kung saan magsisimula at kung ano ang gagawin. But with his genuine and sincere prayer, doon ko napagtanto kung gaano kabusilak ang kaniyang loob. Nakikita ko na ipu-pursue niya ang career path sa pagpapari.
Hindi ako taliwas doon. Kung sakali mang sa akin siya lumaki at hindi na babalikan ng totoong magulang, yayakapin ko siya nang buong buo. Masusunod kung ano ang pangarap niya. Nandito lang ako para gumabay.
“Anong gusto mong bilhin?” tanong ko sa kaniya habang naglalakad-lakad sa harap ng mga tinitinda. Hawak-hawak ko ang kamay niya habang siya ay luminga-linga
