Sumapit ang uwian nang hindi ko siya pinapansin. Nagulat nga rin ako sa sarili ko dahil nagawa kong matiis iyon. Oo, aaminin kong marupok ako pagdating sa babaeng ‘yon pero hindi naman sa lahat ng oras ay hahayaan ko na lang ang sariling manghina sa tuwing iniisip siya. Hindi lang sa kaniya umiikot ang mundo ko. Hindi lang sa kaniya sumesentro ang isipan ko. Marami din akong pina-prioritize kaya hindi biro magpa-apeketo. Hindi magandang tingnan na dala-dala ko ang problema namin habang gumagawa ng ibang bagay.
I really want to pursue her. Handa akong magpababa ng pride. Ngunit sa nakikita ko kasi, parang siya pa itong pilit itinataas ang sarili. Para bang ako pa ang lumabas na mali gayong kami naman talaga ang tunay na magkasintahan.
“Uwi ka na?” tanong ni Denver sa akin habang inihahand
