Nagsisisi ako kung bakit kinumpirma ko na agad ang pagdalo sa debut ni Mimossa. Gayong batid ko na mas prayoridad ko ang simpleng handa ni Harlet, bakit parang lumabas na mas interesado ako sa engrandeng selebrasyon?
“Okay ka lang?”
Bigla akong natauhan sa tanong ni Harlet. Kusa akong ngumiti mula sa pagkakatulala. “Oo naman…”
“Weh? Para kasing wala ka sa sarili mo. Tulalang tulala ka.”
Ipinagpatuloy namin ang pagkain ng chocolate cake na dala niya. Ito ‘yong balak niyang dalhin sa akin kahapon. At dahil sadyang wala naman ako sa bahay, ngayon na lang namin ito nakain.
“Ang sarap, ikaw ba ang nag-bake nito?” tanong ko matapos lunukin ang chocolate cake. Tumango naman siya sa simple at mahinahong paraan na para bang nahihiya.
“Yupp. Ako ang nag-bake.”
“Wow! Pwede mo ‘to gawing busin
