DESIDIDO SI Brenna na makuha ang project kaya naman matapos ang ilang araw na pagpapa-asa sa kanya ng De Verdad Group of Companies at ni Saga De Verdad ay naisip na niyang sadyain ito mismo sa opisina nito sa Parañaque. Wala na siyang pakialam kung mag-mukha siyang desperada dahil talagang desperada na siya.
Kaya bago siya nagsadya sa main office ay inalam muna niya kung saang floor ito nago-opisina at kung paano niya maiiwasan ang reception area dahil doon palang ay pwede na siyang maharang dahil wala siyang naka-set na appointment. Huminga siya ng malalim at nang makita ang karamihan ng empleyado na nag-uunahan sa elevator ay nakipagsiksikan na siya. Sa ganoong paraan kasi ay walang makakapansin na hindi siya empleyado sa building na 'yon. Pati nga pananamit ay binago niya. Mula sa corp
