Paakyat na sana pabalik ng penthouse si Creed habang malalim ang iniisip nang makita si Tiffany na kalalabas lamang ng lift. Mukhang nagmamadali ang babae sanhi para hindi siya nito kaagad nakita. Kanina, saglit siyang bumaba matapos ibilin kay Pollux na huwag iiwanan ang dalawa sa taas. Kailangan niya kasing babain ang isa nilang kasama na may mahalagang itinawag sa kaniya.
"Paning?"
Kita niya ang pagkagulat sa mukha ng kaibigan. Seryoso niya itong tinitigan. "Saan ka pupunta? Alam ba ng dalawang bababa ka?"
Halata ang bahagya nitong pag-aatubili nang sumagot. "Ano..m-may bibilhin lang ako sa pharmacy. Mukhang hindi kasi maayos ang lagay ni Iran. Nilalagnat."
Bumakas ang pag-aalala sa mukha ni Creed.
"Ano'ng hindi maayos ang lagay? Bakit hindi mo kaagad sinabi?"
Kanina nga'y napan
