“WHAT’S your plan now hija?”
Bahagyang natigilan si Sydney sa tanong na iyon ng Ninong Alexander niya nang tabihan siya nito sa mahabang silya na kinauupuan niya habang tahimik na nakatitig sa larawan ng mga magulang na nasa kanyang harapan.
“I don’t know Ninong,” mahinang sagot niya at napabuntong hininga. Ikalimang araw na ngayon ng burol ng mga magulang niya. Sa loob ng limang araw na iyon ay wala siyang ibang ginawa kundi ang umiyak at lumuha habang nakatitig sa kabaong at larawan ng dalawa. Nagbabakasakaling kahit papano ay mabawasan at maibsan ang sakit at lungkot na nararamdaman niya. Ngunit habang tumatagal ang araw, pakiramdam niya’y lalo lang lumalala ang nararamdaman niya. Lalo na at malapit na ang araw na tuluyan na niyang hindi makikita ang mukha ng dalawa. Dalawang ar
