NATAPOS ang araw ni Matthew na puro trabaho ang kanyang inatupag medyo marami-rami din ang tambak na papeles sa mesa niya dahil sa holiday trip nila ni Priscilla. Pagkauwi niya sa mansion ay tamang-tama nakahanda na ang hapunan na si Priscilla daw mismo ang nagluto.
"How's your day sweetheart,'' bati niya kay Priscilla sabay halik sa pisngi ng kasintahan.
"It's good thank you...come let's eat," yaya ni Priscilla kay Matthew na ipinatong ang isang braso sa balikat niya patungo sa komedor.
Habang kumakain sila ay naisip ni Matthew na pumunta sila sa Davao kung saan siya at ang mga kapatid niya isinilang. Gusto niyang mag baka sakali na may impormasyon na tungkol sa mga magulang na umampon sa mga kapatid niya sa bahay-ampunan. Naisip niya na ngayong maayos na sila ni Priscilla ay siya na
