SA kabila ng lahat na pagpapaubaya ni Matthew ay may mga panahon paring ginugulo siya ng mga kamag-anak ng mommy at daddy niya. May mga pagkakataong tahasan siya kung pahiyain ng mga ito sa ibang tao. Noon naintindihan ni Matthew kung bakit ihinanda siya ng mga magulang para sa panahong parating katulad nito. Naalala niya madalas sinasabi ng mommy at daddy niya na madadamot at mga matapobre ang mga kamag-anak nila kaya dapat daw na iwan nila ang mga naipundar sa mas deserving at mas nangangailangan. Iyon din daw ang dahilan kaya nag-ampon sila. Minsan naitanong niya sa mommy niya kung bakit wala silang sariling anak.
"Mom bakit po hindi kayo nagkaroon ng sariling anak?"tanong niya minsan sa mommy Luisa niya.
"Sadyang kagustuhan siguro ng Diyos na ikaw ang maging anak namin, nabuntis nama
