NILIBOT nila Priscilla at Hera ang iba't ibang shops sa loob ng mall at namili ng mga bagay na pareho nilang nagustuhan. Hanggang sa naghiwalay sila ng araw na iyon pareho silang nag-enjoy sa company ng isa't isa. Pagkauwi ni Priscilla ay maliwanag at buo na sa kanyang isipan na sundin ang mga ipinayo ng bagong kaibigan na si Hera para narin sa ikatatahimik ng kanyang isip at kalooban. Mabilis na lumipas ang mga araw,linggo at buwan ulit nang hindi ni Priscilla namamalayan, masyado na siyang nawili sa karangyaan sa poder ni Matthew sa kabila ng kawalan na ng sapat na panahon para sa kanya ang binata. Habang si Matthew ay mas lalo pang naging abala at kadalasan ay lumuluwas pa ng ibang bansa para sa mga expansion ng business nila ni Andrew at mga business conferences at naiiwan si Priscilla
