MAYA-MAYA ay magkasama na bumaba ng mataas na hagdan ang mag-asawa na akay ang isa't isa. Katulad sa mga magulang ng Inay niya ay matanda na rin ang mga ito at puro kulubot na ang mga balat at mukha. Nang makita siya ay halos iilang hakbang lang ang pagbaba ngunit dahil sa katandaan ay mabagal pa rin kaya si Matthew na ang kusang lumapit at hinintay sila sa may puno ng hagdan.
"Mateo anak!" hiyaw ni Senyora Monica sabay yakap kay Matthew.
"Ako po si Matthew ang anak po ni Mateo Monte Alto," pagpapakilala ulit ni Matthew.
"Nabalitaan namin ang pagdating mo sa kabilang bayan kaya alam naming isa sa mga araw na ito ay kami naman ang pupuntahan mo," saad ni Senyor Guillermo.
"Opo, inuna ko pong puntahan ang mga magulang ni Inay dahil yun po ang bilin niya sa akin bago siya namatay," saad n
