MAKALIPAS ang ilang buwan ay unti-unti nang nasanay si Matthew sa buhay kasama ang bagong mga magulang. Napakabait at mapagmahal nila Don Alejandro at Donya Luisa at walang ibang ipinakita kay Matthew kundi puro kabutihan. Isang araw ay ipinatawag siya ng mga ito para kausapin.
" Iho gusto namin ng daddy mo na asikasuhin ang pagbabalik-eskwela mo habang hindi pa simula ng pasukan. Anong grade ba ang natapos mo?"tanong ni Donya Luisa kay Matthew.
"Ahhmm ge-grade three lang po ma-mommy,"nag-aalangang sagot ni Matthew.
"Bakit iho?"tanong ulit ni Donya Luisa kay Matthew.
"Panay po kasi ako hinto dahil walang pera sina Inay at Itay noon at madalas po ako ang naiiwang nag-aalaga sa mga kapatid ko,"sagot ni Matthew.
"May mga kapatid ka?"tanong naman ni Don Alejandro.
"Opo da-daddy dalawa po
