ELISSA
"WELCOME to Royal Diners, Ma'am, Sir!" masayang bati ko sa mga bagong dating. Dahil first day ko iyon sa trabaho ay trainee pa ako. Nandoon ako sa likod ng malaking pinto ng restaurant at nagbubukas sa mga costumer na papasok at lalabas na. Alas-diyes ng umaga ang pasok ko, ang uwi ko naman ay alas-sais ng gabi. Kanina ay magkasabay kaming pumasok ni Ate Selen sa trabaho. Ayaw nito akong pagbiyahihin mag-isa at baka malito raw ako. Sa pag-uwi ay ganoon din, magsasabay kami.
Maganda at halatang sikat ang restaurant na itinayo ni Ate Selen. Naikuwento ng huli sa akin na hindi nito solong naipatayo ang nasabing restaurant at mayroon itong ka-partner. Si Lianna Siscon, ang ex-bride ni Xavi. Sa restaurant na ito pala nakilala ni Xavi ang babae, noong in-introduce ang mga ito ni Ate Se
