Hoofstuk 13
Alicia het voor haar spieëlkas gekniel en stadig die onderste laai al die pad uitgetrek en dit op die vloer langs haar neergesit. Sy het haar asem opgehou en versigtig die klein leer houer uit die wegsteekplek gelig. Sy onthou nog die aand toe sy dit gevind het. Dit was die laaste aand wat sy ooit haar pa lewendig gesien het.
Haar gedagtes het terug geflits na daardie aand en sy het dit met ‘n rilling onderdruk. Sy het huis toe gekom van die kosskool af vir Kersfees. Almal anders was by die kerk vir die middernag mis en sy het vir haar pa gewag. Hy het heeltemal van haar vergeet terwyl hy agter sy lessenaar gesit het besig met Malachi op die foon. Selfs as kind het sy die woede in haar voel groei by die minuut.
Die dinge wat hy oor vampiere daardie aand gesê het, het in haar
