“Sigurado ka bang unang beses mo lamang nito magluto Ellerie? Napakasarap ah parang mas masarap ka pang magluto kaysa nanay ko eh.” palatak ni Meng.
“Uhmm hindi ako nagluluto sa amin, may mga tagapaglingkod kami na nakatalaga sa kusina para magluto ng aming makakain. Ganon kapag maharlika.” wika niya sa mga ito.
Napansin niya ang pagtitinginan ng mga ito na animo hindi makapaniwala sa kanyang sinasabi. Para tuloy nais niyang batukan ang kanyang sarili dahil sa sinabi niya sa mga ito. Bakit pa kasi niya kailangan na sabihin sa mga ito ang tungkol sa kanilang tribu.
Kaya nga hindi na niya binanggit sa dalawa ang tungkol sa tunay niyang pinanggalingan para hindi na magtanong ng magtanong ang mga ito. Kagubatan lamang ang sinabi niya pero heto at nabanggit pa niya talaga sa mga ito ang tu
