THALIA POV
Makalipas ang ilang minuto, isa-isa kong tinanggal ang mga karayom na nakatusok sa binti ni Caspian. Maingat kong inilapag ang mga ito sa tray bago ko dahan-dahang minasahe ang kanyang mga hita at binti. Ramdam ko ang paninigas ng kanyang mga kalamnan, kaya’t mas binuhusan ko ng oras ang bawat pagdiin ng aking mga daliri. Sa huli, binalik ko ang kanyang mga paa sa tamang posisyon sa baba ng wheelchair.
“Umiinom ka pa ba ng gamot mo?” tanong ko habang patuloy kong minamasahe ang paligid ng tuhod niya.
Sandaling natahimik si Caspian bago siya sumagot, tila nagtataka. “Anong gamot?”
Napatingin ako sa kanya. “Yung iniinom mong gamot na bigay ni Doc Ken. At saka ‘yung bagong reseta niya sa’yo kahapon,” sagot ko nang may diin.
Umiling siya. “Hindi na. Sabi mo kasi, ‘wag ko nang
