THALIA POV
Habang isa-isang inilalabas ko ang mga karayom mula sa kahon, napansin ko ang pagkakunot ng noo ni Caspian. Kita ko agad ang tensyon sa mukha niya, at halatang hindi siya sanay o kampante sa nakikita.
“Sigurado ka ba d’yan? Baka lalo mo lang akong patayin,” sarkastiko niyang sabi, sabay titig sa mga karayom na hawak ko.
Napabuntong-hininga ako at ngumiti ng pilit. “Relax ka lang. Hindi ito basta tusok lang, may sistema ito. Tinuro ng lola ko kung paano balansehin ang daloy ng dugo at enerhiya sa katawan. Kung minsan, ‘yung mga gamot hindi gumagana dahil barado na mismo ang natural na daloy sa katawan. Dito papasok ang acupuncture.”
Kahit nakataas ang kilay niya, hindi na siya kumibo. Hinila ko ang maliit na mesa at inayos doon ang mga karayom. Nilapitan ko siya at dahan-dah
