AMARI'S POV
Isang linggo matapos ang komprontasyon namin ni Armando. Hindi na kami nagkausap pang muli dahil hindi siya umuuwi ng bahay at hindi rin siya dito natutulog. Kung umuwi man ay sandali lang at aalis ulit.
Alam kong iniiwasan niya ako. Minsan nga ay naabutan ko syang papasok ng kwarto niya kaya sinundan ko siya. Sinubukan ko siyang kausapin pero pinagsarhan niya lang ako ng pinto.
Kapag alam kong nasa loob siya ng kwarto niya ay lagi ko siyang kinakatok. Pero ni minsan ay hindi niya ako pinagbuksan.
Ibang iba na sya sa Armandong nakilala ko. Wala na ang masayahin niyang mukha. Wala na ang mga titig niyang puno ng pagmamahal.
Ang Armandong maalaga, ang Armando na takot na takot masaktan ako. At higit sa lahat wala na ang Armandong mahal na mahal ako.
Napalitan na ito ng m
